سالي عبد السلام: «قضية التحرش عرضتني لضغوط كثيرة»
كتب: إسراء محمد
كشفت الإعلامية سالي عبد السلام، عن الضغوط التي تتعرض لها خلال الفترة الحالية بسبب قضية التحرش، وروت تفاصيل جديدة عن تطورات القضية.
ونشرت سالي عبد السلام، عبر حسابها الخاص بموقع تبادل الصور والفيديوهات الشهير«انستجرام» مقطع فيديو قصير، تؤكد فيه أن حصول الشخص المتهم بالتحرش بها على إخلاء سبيل من النيابة بضمان محل إقامته، لا يعني انتهاء القضية.
كما أعلنت بحثها عن محامي يتولى الدفاع عنها في القضية، مشيرة إلى تعرضها للكثير من الضغوط والأضرار النفسية منذ الكشف عن الواقعة.
وكتبت سالي عبد السلام تعليقًا على الفيديو: «لما فيديو المتحرش يعمل أكتر من ٦٢٠ ألف مشاهدة كان لازم نكمل. مكانش كفاية الفضيحة و كان لازم يجى الحق بالقانون، مش خناقة هى، القانون يجيب حقنا».
وتابعت: «لما سكت أهل الحق واستنوا العدالة، أهل الباطل طلعوا يهللوا، كان لازم أقولكم أيه اللى بيحصل. أنا بدورعلى محامي يتابع القضية أنا معنديش محامي وعمري ما عملت محضر فى حياتي طول عمرى».
وأكدت سالي عبد السلام صعوبة الموقف الذي تمر به: «اللي بيحصل منهم كتير والضغوطات كتير، وأنا لازم هكمل، وهقول بيعملوا أيه، أنا كل ده مرضتش أطلع فى ولا قناة ولا قلت ولا تصريح فى جريدة، متكلمتش غير على حسابى الشخصى فى قضية التحرش اللفظي».
واختتمت سالي عبد السلام تعقيبها على القضية: «هنزل ليكم القانون فى الستوريز عشان نفهم قانون و نعرف نجيب حقنا إزاى.. بشكركم واحد واحد وأنتوا على راسى والله، شكرا أننا مجتمع عمره ما هيقبل ده أو يعتبره عادى لما سألتكم على الفيديو».
View this post on Instagram
