بعد إصابتها بنزيف بسبب عضة كلب.. رحمة حسن تكشف تطورات حالتها الصحية
كتب: نسرين إبراهيم
كشفت الفنانة رحمة حسن، عن تطورات حالتها الصحية بعد إصابتها بنزيف شديد إثر تعرضها لعضة كلب في منطقة حساسة بحسب ما أعلنته.
وقالت رحمة حسن في منشور جديد عبر حسابها الرسمي على "إنستجرام"، قائلة: "أنا متشكره جدا لاهتمامكم ولكل الناس إللي كلمتني تطمن عليه، وأسفه إني ماقدرتش أرد علي معظم الناس لأني كنت تعبانه ومش قادره اتكلم".
وتابعت، "أنا رحت المستشفي النهاردة وكشفت عند جراح متخصص وهو غير علي الجرح وعمل الازم والحمد لله طمني، وقالي أتابع معاه الفترة الجاية، وإني هاكون كويسه إن شاء الله والجرح هايأخد وقته وهايخف".
واستكملت، "وبالنسبه للكلب فاحنا اتكلمنا مع صاحبته وطلبنا منها توديه مركز تأهيل وتدريب علشان تعدل سلوكه، وتبعت لنا الورق الرسمي إللي بيثبت إنها ودت الكلب فعلا، وإلا هاعمل محضر.. وساعتها الكلب إللي هايتضر، ودي حاجه ماترضيش حد، وهي كانت متفاهمه جدا، ووافقت وقالت إنها هاتعمل كدا أول الشهر الجاي، علشان أخوها إللي هايوديه ويتولي مسئوليته".
واختتمت، الحمد لله انا كويسه و الكلب كويس، وأتمني إن صاحبه الكلب تصدق في كلمتها وتودي الكلب فعلا مركز تعليم ويبقي كويس".
View this post on Instagram
