رحمة حسن: تعبانة نفسيًا وجسديًا بعد عضة الكلب
كتب: مؤمن نصر
علقت الفنانة رحمة حسن على أزمتها الصحية بعد هجوم كلب عليها وعضها في منطقة حساسة حسب وصفها.
وقالت عبر حسابها الشخصي على انستجرام: أنا حقيقي تعبانة ومتأزمة جدا، وكوابيس ومش عارفة حتى أقرب من القطة بتاعتي وألعب معاها لأني خايفة عليها لحد ما أخلص العلاج، النهاردة أخدت الجرعة التانية ولسه هكمل طبعاً ده غير وجع الجرح حقيقي.
وتابعت: اللي عاوزة أقوله أن فعلا لو بعد شهر ما حصلش حاجه تخص الكلب وعلاجه وتغير سلوكه وعدم نزوله بدون كمامة، أنا هروح أخد موقف قانوني لأني فعلاً تعبانة جسدياً ونفسياً جداً جداً، وخايفة جداً يحصل ده لحد تاني وأكون أنا السبب أني ماخدتش موقف.
View this post on Instagram
