كان سوء تقدير مني.. أول تعليق من إياد نصار على «أصحاب ولا أعز»

كشف النجم الأردني إياد نصار عن رأيه حول ردود الأفعال التي أثيرت حول فيلم "أصحاب ولا أعز"، مؤكدًا أنه احترم انتقادات الجمهور اللاذعة، وأنه يستفيد من هذا النقد.

وقال "نصار": "الفنان مسئول مسئولية حقيقية تجاه العمل اللي بيقدموا وتتقبل ردة فعل الجمهور أينا كانت، احترمت كل اللي اعترضوا على الفيلم بهدوء، واستفدت من نقدهم جدا، أنا بالنسبالي كان الفكرة اللي شوفتها أنه قد ايه الموبايل مسيطر علينا وبنأتمن كل أسرارنا عليه وأننا ماشيين بالستر، بس أنا مشوفتش اللي الناس شافوا وده كان سوء تقدير مني".

وتابع: "قلت لنفسي قبل عرض فيلم أصحاب ولا أعز، أن بعد عرض الفيلم، كل مواطن يمشي وموبايله بدون باسورد وأن ميبقاش عنده حاجة يخبيها، وأن اللي عنده حاجة مخبيها ياخد باله، لكن مشوفتش الجوانب السلبية اللي الناس اعترضت عليها بعد عرض الفيلم".

واختتم نصار حديثه قائلا: "سوء تقدير مني أني مقدرتش أشوف الجوانب السلبية اللي استفزت الناس، وأنا اللي مش هقبله على ولادى مش هقبله على ولاد الناس"، خلال حواره في برنامج مع مصر على قناة CBC.