في يوم «قوة الابتسامة».. تعرف على أشهر أنواعها وما أكتر ابتسامة تشبهك

يوافق اليوم الخميس، يوم "قوة الابتسامة" فالابتسامة لها لغة خاصة ومعانى كثيرة، لا يدركها الكثير من الأشخاص كما لها تأثير قوى على الآخرين، وبمناسبة يوم "قوة الابتسامة"، نستعرض في هذا التقرير، أشهر أنواع الابتسامات التي يتم استخدامها على مدار اليوم وفي المواقف المختلفة.

وتأتي أنواع الابتسامات كالآتي:

الابتسامة الخبيثة: "لما حد يبقى عايز يداري بيها مشاعره الحقيقية"

الابتسامة السمجة: "لما الشخص يبقى عايز يستفز اللي قدامه"

ابتسامة التطبيل: "اللي بتبتسمها لمديرك في الشغل أو دكتورك في الجامعة وأنت مش طايقه"

ابتسامة ماما: "ودي اللي بيبقى مقصود بيها: "استنى لما نرجع البيت"

ابتسامة مش سامع: "ودي اللي بتبتسمها لما ماتبقاش فاهم اللي قدامك بيقول إيه أو مش سامعة بس مكسل تقوله يعيد الكلام"

ابتسامة قبل العياط: "ودي بتظهر على طول لما حد يسألك "مالك"؟

الابتسامة الشريرة: "لما تبقى ناوي على مصيبة بس مكتم"

ابتسامة اللامبالاة: "ودي لما تبقى مقطع بطاقتك ومش باقي على الدنيا بس بتضحك في وش المخاطر".

ابتسامة التسبيل: "دي غالبا بتطلع بشكل لا إرادي بس لناس معينة في سياق معين"