أمينة لمنتقدي سقوطها على المسرح: «ياريت ماما تفضى 3 دقايق عشان تربيكوا»

تداول عدد من رواد تطبيق "تيك توك"، مقطع فيديو لسقوط المطربة أمينة على المسرح من آخر حفلاتها، وسخروا من اللقطة بشكل كبير.

وردت المطربة أمينة على سخرية بعض متابعيها من مقطع الفيديو قائلة: "ده فيديو وقعت فيه وأنا فى الشغل واتحاملت على نفسى وقمت، جالى تمزق فى الأربطة والحمدلله".

وتابعت: "دخلت على تعليقات الفيديو أشوف الناس اتخضت عليا وكانت الثقة زيادة، دخلت لقيت معظم التعليقات اه أحسن والأرض تبلعها وأصلها بتترقص".

واستطردت: "إيه قلة الأدب والذوق دى وعدم الدم دى، أنا اتربيت إنى أحس بالناس التانية، أنا اتصدمت".

واختتمت أمينة حديثها قائلة: "إحنا الفنانيين محطوطين مع بعض، الصالح مع الطالح واشتموها عشان فنانة، يا جماعة ياريت ماما تفضى 3 دقايق وتقوم تربيكوا بدل قلة الأدب ومحدش عالم بيكوا غير ربنا".

@aminasingerofficial #stitch with @harbawii ♬ original sound - Amina singereg