أمينة بعد إصابتها: ليه الغل و الحقد ده؟ أنا أختكم وبنتكم

كشفت المطربة الشعبية أمينة، عن إصابتها بتمزق في الأربطة، وتحدثت عن تعرضها لمعاملة سيئة من البعض عبر السوشيال ميديا من خلال التعليقات التي جاءت مليئة بالحقد والغل بحسب تعبيرها.

وكتبت أمينة عبر حسابها الرسمي على "فيسبوك": "جماعة الناس اللي مفكرة أن العيشه وردي وياما هنا ياما هناك، احنا برضوا بني أدمين وبنتعب وبيحصل إنتكاسات زي أي حد، ودي حاجه حصلت غصب عني،  برغم إني كنت بتحمل علي نفسي عشان خاطر فيه ناس جايه عشان تشوفني مارضتش أمشي و نتيجه تحملي علي رجلي إني جالي تمزق في الأربطة".

وأضافت: "كل ده مش مهم اد ما مهم أوي إني لقيت ناس كتير الحمد لله بتبعت تسأل عليا وتطمن عليا، وناس تانيه بتشتم فيا وشمتانه فيا وبتقول أحسن ما تقطع، أحسن دي بتترقص، احسن دي مش عارف ايه".

وتابعتك "ليه كل ده، ليه الغل و الحقد ده، ليه الكره الغير مبرر ده ؟!... جماعة احنا أبسط من كده بكتير، وأي شو إعلامي بيظهر قدامكم أوعوا تتخدعوا فيه، أنا أمينة أختكم وبنتكم ومكنتش متوقعة ألقي فيه ناس كتيرة كده جواها غل وحقد من نحيتي ليا.. ربنا يهديكم ويبعد عننا النفوس المريضة دي يا رب".