أحمد خالد صالح عن واقعة «طالبة المنصورة»: «تعليق بعض الناس على الحدث أبشع من الحدث نفسه»
كتب: شروق خالد
علق الفنان أحمد خالد صالح على مقتل نيرة أشرف طالبة جامعة المنصورة على يد زميل لها أمام الجامعة، مؤكدًا أنه حادث بشع، وأنه يتمنى أن يكون ذلك الحدث فتيل لإشعال الضمائر مرة أخرى.
وقال "أحمد": "مفيش مبرر لما حدث، دمي محروق جدا كمواطن ورجل مصري، وبدعيلها ربنا يرحمها ويصبر أهلها ويا رب تكون فتيل لإشعال الضمير مرة تانية، وعلى قدر الجريمة بشعة ولكن اللي حصل بعدها كان أبشع لأن عقليات الناس بقت غريبة والتبرير لشيء ملوش أي تبرير على الإطلاق وناس يقولوا شوف لبسها! حاجات تخرجك عن شعورك، ازاي بتلوموا المرحومة على قتلها؟".
وتابع: "الناس بقت بتستسهل كتابة الإهانة لأنه مش هيشوف أو مش فارقة ولكنها تفرق على المتلقي والوعي المجتمعي، وده اللي وصلنا للإفرازات البشعة اللي بنشوفها دلوقت".
واختتم أحمد حديثه بقوله: "الواقع بقي أبشع من اللي بيقدمه الفن بكتير"، وجاء ذلك خلال استضافته مع الإعلامية إنجي علي في برنامج "أسرار النجوم" على "إذاعة نجوم إف أم".
يذكر أن، أحمد خالد صالح ينتظر عرض فيلم “عمهم” في موسم أفلام عيد الأضحى، من تأليف وسام صبري، وإخراج حسين المنباوي، وإنتاج أحمد السبكي، وبطولة محمد إمام، وسيد رجب، ومحمد سلام،ومحمد لطفي، وهدى المفتي، وأيتن عامر، وباسم سمرة، ورياض الخولي، وأحمد خالد صالح، ومحمد ثروت، والشحات مبروك.
