المتهم بقتل طالبة المنصورة: قعدت معاها ثلاث شهور ومفيش بينا علاقة محرمة
كتب: ايه صلاح
حصلت "العاصمة" على نص أقوال المتهم بقتل الطالبة نيرة اشرف أمام جامعة المنصورة.
وجاءت أقوال المتهم ردا على أسئلة المحقق كالآتي:
س: وهل كانت المجني عليها تربطها ثمة علاقات بأشخاص آخرين على نحو مخل بالشرف؟
ج: هي كانت شغالة موديل وكانت دايما بتنزل صور لها على انستجرام بس أنا معرفش عنها
حاجه زي انها تكون نامت مع حد أو حصل علاقة محرمة، وأنا قعدت معاها ثلاث شهور ومانمتش معاها أو كان بينا علاقة محرمة.
س: وهل صدر ثمة إجابة من والد المجني عليها لطلبك بزواجك إياها؟
ج: لا.. هو خلف كلامه معايا وقالي إن البت وأمها مقدرش يسيطر عليهم ومنفذش معايا أي حاجة
س: وهل من ثمة أفعال صدرت منك تجاه المجني عليها عقب ذلك؟
ج: أنا طول الفترة اللي قبل رمضان اللي فات وأنا كنت بعمل أكونتات علشان اتواصل معاها لأنها كانت عملالي بلوك على أي أكونت ليا
س: وما هو مضمون المحادثات التي جرت فيما بينك وبين المجني عليها ابان تلك الفتره ؟
ج: أنا كنت بحاول اتكلم معاها بأي طريقة وكنت ساعات بهددها أن أنا لسه معايا الحاجات بتاعتها ومبعتها للناس كلها وكنت بقولها أنا لسه معايا مكالمتك ليا وانتي بتعترفي على كل حاجة بلسانك وعندي استعداد ابعتها للناس كلها ، وساعات تانية كنت بتكلم معاها عادي بس هي كانت دايما ردها ناشف عليا.
س: وما هي الحسابات التي قمت بانشائها وتمكنت من خلالها بمحادثة المجني عليها وتهديدها تارة ومحادثتها محادثات عادية تارة أخرى؟
ج: أنا كنت بعمل حسابات كثيرة علشان أكلمها لحد ما أنا بدأت ابعتلها secret message من على الانستجرام.
س: وما هي أسماء تلك الحسابات والروابط الخاصه بها؟
ج: أنا كنت بعمل اكونتات كتير ومش متذكرها كلها.
س: وهل قمت بإنشاء ثمة حسابات ونسبها إلى المجني عليها على نحو يخل بشرفها وينسب العار لذويها؟
ج: لا.. أنا معملتش حاجة من الكلام ده بس هي افتكرت أن أنا اللي عملت كده بسبب الخلافات.
