عصام الحضري يكشف حقيقة زواجه العرفي في دبي

نفى الكابتن عصام الحضري، مدرب حارس مرمى المنتخب المصري السابق، ما تردد عن زواجه عرفيًا في دبي، مؤكدًا أن الأمر غير صحيح وأنها مجرد شائعة تم ترديدها على مدار السنوات الماضية.

وقال الحضري: "مراتي بقت تغير عليا أكتر من زمان، وهي تعبت معايا في تربية ولادي وكبرتهم وعندنا فرح العروسة شاهندة في شهر 10".

وتابع: "من وأنا عندي 23 سنة ومراتي تعبانة معايا ومكنتش وقتها بتغير لكن لما اعتزلت الكرة بقت تغير أكتر".

واستطرد: "اللى روجوا زواجي العرفي في دبي كلامهم غير منطقي ولو عايز اعمل كدة هاعملها في مصر، ولكن الأمر لا يتعدى كونه شائعة، وباخد الأمور دي بالضحك والهزار والكوميديا".

واختتم مدرب حراس مرمى منتخب مصر السابق حديثه قائلا: "بقالى 25 سنة بتعرض لشائعات شخصية، وشائعة الزواج دي كانت من 25 سنة، وطلعوا عليا شائعات بخناقات محصلتش أصلا"، وجاء ذلك خلال استضافته مع الإعلامية ياسمين عز في برنامج "كلام الناس" المذاع على قناة "إم بي سي مصر".