بكوي «فانلات» زوجى عشان البكتريا وعايزة أعمل فرح تاني بعد ما خسيت.. أبرز تصريحات هنادي مهنا في «كلمة أخيرة»

حلت الفنانة الشابة هنادي مهنا ضيفة مع الإعلامية لميس الحديدي في برنامج «كلمة أخيرة»، مساء أمس، وكشفت من خلاله  عن العديد من الأسرار في حياتها الشخصية ومنها: علاقتها بزوجها الفنان أحمد خالد صالح وعن زيادة وزنها بعد رجوعها إلى مصر.

وفي هذا السياق، ترصد «العاصمة» أبرز تصريحات هنادي مهنا والتي جاءت كالآتي..

- ماما نصحتني أكوي «فانلات» زوجي عشان البكتيريا ولو أنا في الشغل، هي اللي بتكويها

- شائعات خلافاتي مع زوجي بتبسط بيها عشان منتحسدش.

- بحب الطبيخ ووزني زاد في مصر بسبب المسقعة والمحشي.

- بغير على زوجي ومعايا باسورد موبايله.

- زوجي مش بيقولي «ستو أنا» ولازم أفطره قبل ما أروح التصوير.

- عايزة أعمل فرح تاني بعد ما خسيت.

- بتتكلم 3 لغات غير العربى، وعمرى ما أخدت دروس عربى وأنا صغيرة.

- ببقى فرحانة لما ينزل عمل لزوجي وبكون متحمسة في دعمه وكأن الدور ليا.

- عندي خطوط حمراء زي أي حد، وبراعي في الآخر أني بشتغل في مجتمع مصري وبراعي شعور الجمهور.

- بتمنى دايما أكون قدوة لجمهوري ومش عاوزة أعمل حاجة تضايقهم.

يذكر أن، هنادي مهنا عرض لها في رمضان الماضي مسلسل "مكتوب عليا" بطولة أكرم حسني، ويشاركه البطولة عدد من النجوم أبرزهم: عمرو عبد الجليل، المطربة هلا رشدي، حنان سليمان، وإسماعيل فرغلي، ومحمد طعيمة وآخرين، وهو من تأليف إيهاب بليبل، وإخراج خالد الحلفاوي، وإنتاج كريم أبو ذكري "k media" بمشاركة والمتحدة للخدمات الإعلامية.