أحمد شوبير : اتحاد الكرة في ورطة بسبب مدرب المنتخب

كشف الإعلامي أحمد شوبير أن مسئولي اتحاد الكرة في ورطة حقيقية بسبب الاتفاق مع المدير الفني الجديد للمنتخب.

وقال شوبير خلال تقديم برنامجه الإذاعي: "مسئولو الجبلاية أتم اتفاقه مع مع باولو سوزا ولم يتبق سوي توقيع المدرب، إلا أننا فوجئنا باعتذار المدرب رغم أن اتحاد الكرة جهز التذاكر الخاصة به".

وتابع: "فيه كلام إن كيروش بيكلم المدربين وده كلام مش مقتنع بيه لأنه معروف من الأول بيفاوضه ما كان راح له من الأول وكان من الأول قاله متروحش وشايف إنها حجة مش طبيعية ممكن الراجل جاله عرض أوروبى او متخوف لان الأمور ممكن تكون صعبة".

وشدد: "حازم إمام كان عامل خطة بديلة وهى بيتكوفيتش وأتم الاتفاق مع الراجل وقاله طلباتك إيه وقاله عندي اجتماع مجلس إدارة وقبل الاجتماع فوجئ بالليل وانا بتخيل الحوار اللي حصل، وحازم قاله عندي مجلس إدارة وبلغتهم امبارح والناس مرحبة، وبعدها قفل موبايله ولم يرد، قيل بعد ذلك إن حرمه هى اللي اعترضت".

وأوضح: "إيه الحل دلوقتي، هل نعود للمدرب المصري من جديد، ومين مدرب مصري عاقل والمنتخب عنده ماتشين مع مالاوي وهل ده ممكن يحصل، مدرب أجنبي على قد الحال نقول مشروع ونمشي وراه كلنا، وسمعت إن فرانكو فودا كان مدرب النمسا من الأسماء المرشحة بقوة انه يكون موجود، صحيح لم يوفق في تصفيات كأس العالم وخسر من ويلز وقبلها وصل إلى بطولة أوروبا وصعد إلى دور الـ16 وخرج أمام إيطاليا بنتيجة 2 / 1".