«حافضحك ياجدو وحتكون نهايتك بجد».. هل يقصد عمرو مصطفى الهضبة؟
كتب: متابعات
كتب الملحن والمطرب عمرو مصطفى رسالة غامضة على الفيسبوك وقام بتوجيهها لشخص دعاه "جدو" فى دلالة على كبر سنه وجاءت التعليقات كلها تكشف على أن عمرو مصطفى يقصد الهضبة عمرو دياب.
وجاء نص الرسالة كالتالي:
رساله لجدو
هتبعت ناس ولجان تشتم علي الصفحه ولا هيهز شعره مني فلوس بترميها في الارض
هتبعت ناس تقول صوته وحش ملكش دعوه انا هغني وصوتي وحش
هتروح تخلي ناس تسرب الاغاني هطلع افضحك وساعتها هتكون نهايتك بجد
هتجيب عيال بفلوس تعمل فيديوهات ان الاغاني وحشه هتنجح غصب عنك لانها من القلب
هتقول فين المشاهدات هقولك ملكش دعوه انا بعمل الاغاني لنفسي ومش هدفع فلوس زيك يا جدو علشان الناس تشوفني ١٠٠٠٠٠ علي الفيسبوك بشرف احسن من ملايين مزيفين يا جدو وفي الاخر اتقل علشان الجاي صعب
نسيت انك بعت ناس للموزعين الي بشتغل معاهم في الخارج علشان انت قلوده قوي بس لما تنزل معاهم هفضحك عادي
