مصطفى كامل: «نقابة الموسيقيين» بها كل أنواع الفساد.. وبرفض الترشح لمنصبها عشان عايز أربي ولادي

طالب الفنان مصطفى كامل بتدخل الأجهزة الرقابية لمواجهة الفساد المتفشي داخل نقابة المهن الموسيقية، مؤكدًا على رفضه بتولي منصب نقيب المهن الموسيقية خلفا للنجم الكبير هاني شاكر، الذي تقدم باستقالته خلال الأسبوع الماضي.

وقال "كامل": "أوجه رسالة لسيادة الرئيس عبد الفتاح السيسي، ولبلدي ووطني اللي بحبه وبحترمه، وهيفضل ترابه فوق راسي، من فضلكم الأجهزة الرقابية تدخل نقابة المهن الموسيقية".

وتابع: "النقابة فيها فساد غير محدود فوق الوصف والخيال والعقل والمنطق، لما مطرب مهرجانات، أو المذيعة أميرة بدر، تقول لها مش هتطلع في برامج، فمعد يطلعك رغم القرار".

واستطرد: "حمو بيكا في قضية له منظورة في الأموال العامة، قال لهم كانوا موقفيني و3 سنين بيشغلوني وياخدوا فلوسي ومسجل لهم، هو مظلوم، إذا اديت لواحد من عينته كارنيه إديله هو كمان، لكن توقفه عشان ترتشي منه".

وردًا على خوفه من ترشحه لمنصب نقيب الموسيقين قال: "مصر كلها طلبت مني أترشح، وهما كلموا اتنين مطربين نجوم من صف هاني شاكر ورفضوا".

واختتم "كامل" حديثه بقوله: "أنا مش عايز أترشح، أنا عايز أربي ولادي وتعبت، ومش هقعد أجري ورا مزورين"، وجاء ذلك خلال استضافته مع الإعلامية أميرة بدر في برنامج "الترابيزة" عبر قناة الشمس.



أقرأ المزيد: مصطفى كامل لـ«العاصمة»: لا أفكر في رئاسة النقابة.. والفساد بـ«الموسيقيين» يتطلب تدخل الدولة