مصطفى كامل يوجه رسالة إلى عمرو مصطفى: «عمرو دياب في حته تانية»

حل المطرب الشعبي مصطفي كامل ضيفاً ببرنامج"التربيزة" المذاع عبر فضائية الشمس، مع الإعلامية أميرة بدر.

وكشف مصطفى كامل، عن رأيه فيما يخص المطرب عمرو مصطفى، وما نشرة مؤخرا عبر حسابه الخاص بموقع التواصل الاجتماعي "فيس بوك".

أقرأ أيضا..«عايز التريند».. جمهور عمرو دياب يفتح النار على عمرو مصطفى...

أنا زعلان من عمرو مصطفى

وقال مصطفى كامل: "أنا زعلان على عمرو مصطفى، النهاردة قريت له بوست يا جدو، والإعلام كله بيقول إنه موجه لعمرو دياب".

وأضاف: "مش صح إنه يعمل كده عمرو مصطفي، خاصة أن عمرو دياب في حتة تانية خالص، وهو صديق عمري وأنا عارف إنه مش شاغل باله بحد طول عمره، أنت رايح تكسر في إيه".

عمرو مصطفي يوجه رسالة لعمرو دياب

وكان قد وجه عمرو مصطفى رسالة غامضة لفنان وجه له عدة اتهامات عبر صفحته على "فيسبوك"، قائلا: "رسالة لجدو .. هتبعت ناس ولجان تشتم علي الصفحة ولا هيهز شعره مني فلوس بترميها في الأرض .. هتبعت ناس تقول صوته وحش ملكش دعوه انا هغني وصوتي وحش .. هتروح تخلي ناس تسرب الأغاني هطلع افضحك وساعتها هتكون نهايتك بجد".

وتابع: "هتجيب عيال بفلوس  تعمل فيديوهات أن الأغاني وحشه هتنجح غصب عنك لانها من القلب.. هتقول فين المشاهدات هقولك ملكش دعوه انا بعمل الاغاني لنفسي ومش هدفع فلوس زيك يا جدو .. علشان الناس تشوفني ١٠٠٠٠٠  علي الفيس بوك بشرف أحسن من ملايين مزيفين يا جدو .. وفي الآخر اتقل علشان الجاي صعب".

واختتم: "نسيت انك بعت ناس للموزعين إلى بشتغل معاهم في الخارج علشان أنت  قلوده قوي .. بس لما تنزل معاهم هفضحك عادي".