تعليقاً عن فسخ تعاقدها مع المنتج محمد حامد.. شذى: مكنتش موقعة مع شركة «universal studios»

يبدو أن العلاقة بين المطربة شذى ومنتجها محمد حامد لم تعد على ما يرام مثلما كانت من قبل، خصوصا بعد فسخ تعاقدها معه بشكل رسمي بعدما أن تعاونا معاً في ثلاثة أغانيات خلال الفترة الماضية، وقد أعلنت شذى ذلك عبر حسابها الرسمي على الفيسبوك منذ أيام قليلة، حيث علقت قائلة: "رسمياً أنا خارج شركة كاسيت للإنتاج الفني مع تمنياتي لمحمد حامد بالنجاح".

وبالتزامن مع فسخ التعاقد بين محمد حامد والمطربة شذى، نشر الأول صورة تجمعه بالنجمة شيرين عبدالوهاب، وهو الأمر الذي فسره البعض أن سبب الفسخ نتيجة التعاقد مع نجمة أخرى، وعلقت شذى فيسبوك قائلة: "أسفه لأي حد بيكلمني ومبردش وشكرا للي بيبعتولي فيديو في نظري ملهوش لازمة، الخناقة أصلا على إيه يا جماعة، مفيش موضوع أصلا أنا مكنتش ماضية في universal studios، علشان كمية الرغي دة وبالعكس أنا أفرح لحامد لو أشتغل منتج منفذ أو حتى منتج لمطربة محبوبة وجماهريتها كبيرة وهفضل طول عمري أكيد كنت سبب أن هو ينور وأسمه يتعرف لأن أحنا حققنا نجاحات الحمد لله مع بعض تزود من رصيده ورصيدي وإذا كان أنا ولا أي نجم هو أشتغل معاه أحنا في حياة بعض محطات ودة ميقللش من قيمة حد.

وأضافت شذى: أقسم بالله طلبي أني أفسخ العقد ملهوش أي علاقه بالكلام الفاضي ده، وأتمنى ميجيش يوم أكون محتاجة فيه أشرح كواليس ملهاش لازمة الناس تعرفها لأن اللي عارفني عارف أني رايقه مبحبش المشاحنات ولا الكلام دة ولا مستعجلة على حاجة وأهم حاجة عندي أني أنام مبسوطة وسمعتي وأسمي يفضلوا متصانين.

واستكملت حديثها قائلة: ولا بحب الفضايح ولا حتى لما حد بيإذيني بطلع أعمل مشاكل ربنا عارف نوايا البني آدمين وأنا شخصياً عمري ما شفت حد غير نفسي ولا شغلت نفسي بحد وعارفه أن هما ٢٤ قيراط ربنا هيوزعهم باللي هو شايفه فمش شاغله نفسي وحقيقي ربنا يكرم الكل وأنا الفترة اللي جاية هشتغل وبس لأن حقيقي أنا عدى عليا سنتين كانوا مرهقين جدًا لاعصابي واللي قريبين مني عارفين ده وشاهدين عليه، وده كان سبب أساسي في أني أطلب أني مكملش عقدي مش أي حاجة من اللي اتكتبت خالص .

يذكر أن شذى علقت قبل أيام على فسخ تعاقدها مع المنتج محمد حامد قائلة: فسخ التعاقد بناء على طلب مني شخصياً وحصل بالتراضي، أنا طول عمري بحب شغلي ولما بلاقي أني مش مرتاحة بمشي بكل أدب وبتراضي وأكيد اللي جاي أحسن.

الجدير بالذكر أن شيرين عبدالوهاب نشرت صورتها مع المنتج محمد حامد عبر حساباتها الشخصية على السوشيال ميديا بعد مداخلتها الهاتفية مع الإعلامية لميس الحديدي ببرنامجها "كلمة أخيرة"، والتي هاجمت فيها زوجها السابق حسام حبيب واتهمته بسرقة سيارتها.