مشهد «الصاروخ» مع عادل إمام متركب ومعنديش مانع جوزي يتجوز عليا.. أبرز تصريحات ميسرة في «كلام الناس»

حالة من الجدل الواسع أثارتها الفنانة ميسرة على مواقع التواصل الاجتماعي خلال الساعات الماضية، وذلك بعد تصريحاتها الجريئة وأسرار كشفتها لأول مرة مع الإعلامية ياسمين عز في برنامج "كلام الناس" المذاع على شاشة "mbc".

وفي هذا السياق، ترصد "العاصمة" أبرز تصريحات الفنانة ميسرة في الحلقة والتي جاءت كالآتي..

- أمي متدينة وزعلت من أدواري الجريئة وكانت فاكرة هعمل حاجات محترمة.

-مشهد ( صاروخ ) مع عادل إمام متركب في فيلم "السفارة في العمارة" وأنا كنت نايمة لوحدي في السرير.

- معنديش مشكلة إني أتجوز واحد متجوز، لو حبيته واقتنعت بيه.

- معنديش مانع إن جوزي يتجوز عليا لو أنا مقصرة معاه.

- الراجل ربنا خلقه، أول ما بيكرمه ويبقي معاه فلوس بيتجوز.

- الراجل اللي يملا عيني لازم يكون مثقف وطموح وعلى طبيعته ومش مأنتخ كدة.

- مقدرش أرتبط بحد أصغر مني، هحسه ابني.

- الناس بيمشوا ورا تقاليد وأعراف ملهاش علاقة بالدين.

- الراجل اللبناني تربيته غير المصري، واللبناني على طبيعته مش بيفرق معاه كلام  الناس وبيعمل كل حاجة مع مراته وبيتبسطوا.

- كان وشي رفيع وكنت عايزة أعمل خدود، فحصلي تسمم في وشي ومكنش خطأ الطبيب.

- بعدها فضلت أتعالج من الخطأ ده سنة كاملة، والعملية الثانية كانت في مناخيري بسبب أنها مرفوعة وروحت لدكتور دمرلهالي، ورفعت قضية عليه لكن بسبب الثورة نسيتها، وروحت سويسرا أتعالج عشان أقدر أرجعها تاني".

ويذكر أن، آخر أعمال الفنانة ميسرة مشاركتها في مسلسل "أحلام سعيدة" بطولة يسرا، شيماء سيف، مي الكساب، وعرض المسلسل في الماراثون الرمضاني لـعام 2022، كما شاركت في العديد من أبرز الأعمال ومنها: حب رايح جاي، دفع رباعي بقوة، عزمي وأشجان، الجيل الرابع، حواري بوخاريست، اللمبي 8 جيجا.