حمو بيكا لـ«العاصمة»: محمد فؤاد ما طردنيش من حفلته وأنا مش بتاع مشاكل
كتب: نسرين إبراهيم
رد مطرب المهرجانات حمو بيكا، على الجدل الذي أثير حوله في الساعات القليلة الماضية، بعدما ترددت أنباء تؤكد طرد النجم محمد فؤاد له من حفله بالساحل الشمالي، بعد افتعاله لمشكلة ومشاجرة عنيفة داخل الكواليس مع عدد من الشباب.
وقال حمو بيكا في تصريح خاص لـ"العاصمة": "كل اللي بيتقال مش حقيقي، والخناقة اللي حصلت في مكان حفل محمد فؤاد ما كنتش معايا، ومش فاهم ليه الناس بتقول إن أنا اللي كنت بتخانق، أنا مش بتاع مشاكل وفي حالى، وروحت الحفلة بدعوة من أصدقاء لي".
وتابع: "محمد فؤاد ما طردنيش من حفلته زي ما بيتقال، والخناقة اللي حصلت كانت على ترابيزة قريبة مني واضربت بزجاجة كانت طايرة، ولما حصل كده مشيت أنا والناس اللي كانت معايا، ده اللي حصل وأي حاجة تانية بتتقال كذب ومش حقيقة".
وكان قد تردد أن حمو بيكا، تشاجر خلال تواجده في حفل محمد فؤاد بالساحل الشمالي مع مجموعة من الشباب الموجودين، وتطور الأمر إلى الاشتباك بالأيدي ووقوع إصابات وهو ما أدى إلى حالة من الفزع بين الجمهور.
وأجبر ذلك محمد فؤاد، على وقفه للغناء مهددا بمغادرته الحفل في حالة استمرار الفوضى، وهو ما جعله يقوم بطرد مفتعل الأزمة والذي تردد أنه حمو بيكا، قائلا: "اللي مش هيحترم نفسه يطلع بره".
