محمد كريم: عندنا نماذج مصرية نجحت في هوليوود.. خاص

كشف الفنان محمد كريم، تجربته الفنية في هوليوود وخاصة في فيلمه الأخير الذي تم افتتاحه في مصر.

وقال محمد كريم في تصريحات خاصة لـ"العاصمة": "أنا سعيد جدًا جدًا بوجودي في مصر، وسعيد بتواجدي مع الجمهور المصري وصحافة بلدي، وأكتر حاجة مخلياني سعيد ان جبت ابطال ونجوم الفيلم أصدقائي لبلدي مصر عشان يشوفها، وسعيد  ان تعبي الفترة اللي فاتت نجح وظهر الفيلم بشكل كويس".

ورد "كريم" على سؤال الفرق بين الصناعة العالمية والمصرية: "أنا شايف أننا عندنا كوادر مهمة جدًا، مش هتلاقوا فرق كبير لأن عندنا امكانيات كبيرة وكثيرة جدًا في مخرجين وكتاب سيناريو كويسين، بس هي الفكرة انك تديهم فرصة ولما بياخدوها بيحققوا نجاحات كبيرة جدًا، وأعتقد بقى في كوادر مصرية ناجحة في هوليوود دلوقتي".