تفاصيل جديدة بواقعة إنهاء حياة مريم على يد صديقتها بالطالبية.. خاص
كتب: جهاد أمام
"حق أختي هيرجع".. بهذه الكلمات اختتمت دنيا. س، أخت القتيلة مريم. س ضحية غدر صديقتها مريم. أ بالطالبية بالجيزة.
تفاصيل جديده على حد أقوال أخت القتيلة توضح ما تم في تحريات النيابة وشهادة أطراف القضيه حسب ما نشرت على الحساب الشخصي على تطبيق فيس بوك، قائلة :-
"أختي بقالها ٥ايام فالمشرحة
من ضمنهم يوم كامل كانت في بيت القاتلة
بعد ما موتتها دخلتها الحمام وحمتها ولبستها ومكيچتها
فضلت منيماها يوم معاها فالبيت وفالاخر عايزه تهرب وعم ربيع جارهم هو اللي مسكها وبلغ عنها مش هي اللي بلغت عن نفسها لان الراجل قال الكلام ده قدامنا امبارح
انا عايزه اعرف ليه بنتك تعمل في اختي كده
بس حق اختي هيرجع
وكلام الناس كتير ومش صح بس الطب الشرعي هياكدلنا كل الحقايق وفعلا في حلقه مفقوده هتبان
اي كلام بيتقال عن بابا وماما انهم منفصلين وعشان كده مشوا اختي من البيت ده كله غلط احنا عايشين سوا وامي كمان ضريره احنا ٥ بنات يعني هيرموا واحده ويسيبوا ٤
اختي حصل بينا وبينها مشاكل عائليه زي اي بيت بس هي وقتها مشت وراحت عند صحبتها تقعد معاها زي ما صحبتها كانت بتقعد عندنا بالشهر والاتنين لكن بابا مطردهاش من البيت بدليل ان فيه محضر انها متغيبه وكنا بندور عليها".
وأيضا في وقت آخر ذكرت في تصريح خاص لـ"العاصمة" أن والدة القاتلة ذهبت إلى تحقيقات النيابة العامة مرتدية جاكيت خاص بالمجني عليها ما أثار استياء والد المقتولة وانفعاله الشديد وقت أن رئاه عليها وان الأم قالت إنها اعتادت أخذ ملابس من القتيلة في شكل هدايا وأنه كان بعلمها.
اقرأ أيضًا: علاقة غير شرعية وصور عارية..تجديد حبس المتهمين باحتجاز...
ويذكر أنه تم الانتهاء من الإجراءات القانونية اللازمة لدفن الجثمان بمحافظة بورسعيد مسقط رأسها خلال اليومين المقبلين.
