مارست الحرام مع شقيقها و3 آخرين.. أب يتخلص من ابنته ويؤكد: «مش عارف حملت من مين؟»
كتب: أيه صلاح
شهدت أقوال الأب المتهم بقتل أبنته والقاء جثتها بأحد الترع بمنطقة منشاة القناطر أعترافات صادمة
وقرر قاضي المعارضات، بمحكمة شمال الجيزة، استمرار حبس 4 متهمين (الأب ونجل عمه و2 من أشقاء الفتاة)، 15 يوم على ذمة التحقيقات للمرة الثالثة، لاتهامهم بقتل فتاة تبلغ من العمر 18 عامًا، بعد تكبيلها وإلقاءها بإحدى الترع بمنشأة القناطر.
تلقت مديرية أمن الجيزة بلاغا من أحد الأشخاص بعثوره على جثة سيدة في ترعة المنصورية، دائرة مركز منشأة القناطر، انتقل رجال المباحث إلى محل الواقعة، وعثر على جثة سيدة مقيدة بحبل، ولا توجد بها إصابات ظاهرية.
كما عثر على حجرين مربوطين بالجثة استخدمهما مرتكب الجريمة لمنع الجثة من الطفو وتبين أن والدها وأشقائها وراء أرتكاب الواقعة .
وتم القبض على الأب المتهم وشقيق المجني عليها، وزوجها، وإحالتهم إلى جهات التحقيق التي شرعت في سؤال والدها عن واقعة معاشرة شقيقها وأقاربها لابنته وجاءت أقواله كالآتي:
س/ ماهي صلتك بالمجني عليها
ج/ هي بنتي.
س/ ما هو عدد أولادك
ج/ أنا عندي 2 أولاد وبنت.
عاشرت شقيقها وأولاد خالها.. ننشر أقوال المتهم بقتل ابنته في أوسيم | تحقيقات
مستحملتش العار وقتلتها.. ننشر أقوال قاتل ابنته بأوسيم | تحقيقات
س/ أين تقيم أنت وعائلتك تحديدا؟
ج/ أنا قاعد أنا ومراتي وعيالي في أوضة ومن حوالي شهر راحوا قعدوا عند جدهم.
س/ ما الذي أخبرتك به زوجتك تحديدا؟
ج/ من حوالي شهر لقيت مراتي بتقولي إن بنتي تعبانة وجسمها بيكبر وأنا قولتلها روحي بيها على الدكتور اكشفي عليها، وفعلا هي راحت وجت قالتلي إن هرمونات بنتي عالية وبعد كده جت قالت لي إن بنتي حامل في الشهر الثامن، وقالت لي إنها حامل من واحد كان شغال معايا على التوك توك، وبعد كده مراتي راحت واخدة البنت وأخواتها وراحوا قعدوا عند جدهم في طناش الوراق.
س/ ما التصرف الذي بدر منك عقب ما أخبرتك به زوجتك؟
ج/ أنا روحت وقعد مع أخوات مراتی وجد بنتي واتكلمت معاهم وجبنا الراجل اللي قالت عليه إن هي حامل منه، وبعد كده قولنا إن هو يكتب عليها، وفعلا وافق وكتبنا عقد عرفي، الآن هي لسه مكملتش 16 سنة، لأن هي مينفعش تتجوز غير لما تتم 18 سنة، وبعد كده بنتي روحت مع جوزها البيت وقعدت معاه أسبوع وفضل يضربها، وبعد كده راحت عند جدها وأنا روحتلها البيت وقالت لي إن هي نامت مع أخوها وابن خالها قبل كده.
س/ هل أنجبت ابنتك طفلا؟
ج/ أيوه.
س/ متى حدث ذلك؟
ج/ هي ولدت من حوالي 4 أيام في مركز طبي ولادة قيصرية وأنا معرفوش.
س/ ما هو نوع الجنين تحديدا؟
ج/ هو ولد.
س/ هل أخبرتك ابنتك المتوفية إلى رحمة مولاها عن والد الطفل تحديدا؟
ج/ لا هي قالتلي إنها نامت مع كل من ابن خالها وأخوها وابن خالتها.
س/ أين مكان تواجد الطفل تحديدا؟
ج/ هو مع جدته مراتي في بيت أبوها.
س/ ما التصرف الذي بدر منك عقب ذلك وما الحديث الذي دار مع ابنتك قبل قتلها؟
ج/ أنا روحت عند أبويا في البيت وكان إخواتي قاعدين معاه ولقوه بيشتمني وبيقول لى الناس بتعايرني في الشارع، وإن بنتي فضحتهم وراح تف في وشي، روحت سايبهم وروحت على أختي في المنوفية، وبعد كده رجعت من عندها عشان هي مرضيتش تخليني أزور أمي وقفلت البيت، وبعد كده رجعت على بيت أبو مراتي في طناش عشان أشوف حل في القصة.
وبعدها روحت على بيت حمايا اللي فيه عيالي ومراتي بعد ما عرفت أن بنتي عاشرت أخوها و2 من أقاربها، وخبطت على الباب فتحت مراتي وقولتلها، روحي اشتریلی سجائر وعصير وولاعة، وأنا هتكلم مع بنتي شوية، وفعلا روحت أقعد اتكلم معاها، وقولتلها إنتى فضحتيني لقيتها بتقولى أنا عايزة أقولك على حاجة تاني بس متضربنيش فقولتلها قولي متخافيش.
وتابع المتهم أمام جهات التحقيق: بنتي قالتلي إن فيه شخص رابع نام معاها وقالتلي إن هو ابن خالها نام معاها هو كمان، وهي متعرفش الولد ابن مين فيهم بالضبط، وأنا أول ما قالتلي الكلام ده محستش بنفسي ومستحملتش العار، وكان في جنبي صنية فيها أطباق وكوبيات وحلل وسكينة روحت ساحب السكينة وفضلت أضربها بيها لحد ما ماتت.
