لازم أحس معاه بالأمان.. نادية الجندي تكشف مواصفات فتى أحلامها
كتب: منى صموئيل
كشفت الفنانة الكبيرة نادية الجندي عن رأيها في شائعات الارتباط التي تطاردها بين الحين والآخر، مؤكدة أنها لا تلتفت إليها ولا تشغلها أبدًا.
وقالت الجندي: "الشائعات كترت حواليا اوي الفترة اللي فاتت بخصوص الارتباط والجواز، وبغض النظر عن أني مش ببص للشائعات دي ولا بتشغلني بس ليه لا؟! ليه متجوزش ومرتبطش".
وتابعت: "أنا كمان مش بس معنديش مانع أني اتجوز في الوقت الحالي، أنا كمان عندي مواصفات لفتى أحلامي، مضيفة: "لازم يكون راجل واحس أنه قد المسؤولية، وأحس بالحنان والأمان والصدق معاه، ويكون محبوب بين الناس عشان أقدر أعيش معاه".
واختتمت الجندي حديثها قائلة: "أنا عارفة أن الصفات دي مش موجودة في الزمن بتاعنا ده، وبالنسبة لي في مواصفات تانية للراجل غير سنه، متابعة: "عادي جدا لو اتجوزت حد أصغر مني، لأن مفيش قانون بيحط سن معين بين الراجل والست".
يذكر أن، آخر أعمال النجمة نادية الجندي كان مسلسل "سكر زيادة" بطولة مجموعة من النجوم أبرزهم: نبيلة عبيد، هالة فاخر، سميحة أيوب، بيومي فؤاد، مي الغيطي، وغيرهم من النجوم.
وتدور أحداث المسلسل في إطار كوميدي حول عصمت وكريمة وجميلة، ثلاث سيدات يقعن ضحايا لعملية نصب بسبب فيلا قررن شرائها، وعليهن اﻵن التعايش مع الوضع الراهن في السكنى في نفس الفيلا، أو أن تحظى إحداهن دون اﻷخرى في الاستحواذ على الفيلا".
