احتفالية نصر أكتوبر الـ49.. أحمد عز يستعين بدوره في «الممر»

شارك الفنان أحمد عز في الفيلم التسجيلي الذي عرض بالندوة التثقيفية الـ36 للقوات الملسحة والتي جاءت تحت عنوان" أكتوبر.. إرادة وطن"، بمناسبة الاحتفال بالذكرى الـ49 لنصر أكتوبر المجيد.

وقال أحمد عز خلال الفيلم التسجيلي: "طالما بعمل دور لابس فيه الزي العسكري، يبقى لازم أعمله صح، لو كان دكتور أو مهندس عامل جوه مصر أو بره مصر كلنا البلد دي، أقولكم على حاجة خليكم دايمًا لابسين مموه علشان بيخافوا منه".

بينما قال الفنان أحمد بدير خلال الفيلم: "الدنيا مليانة مشكلات كتير بس أكيد لو وقفنا مع بعض هنحلها، هو دلوقتي زي من كام سنة؟، دلوقتي فيه أمن وأمان ومشاريع كباري ومستشفيات ومُدن جديدة، البلد بتتطور، وأنا في السويس مع زملائي شُفنا أيام صعبة، بس مع ذلك الناس ميأستش ولا هربت مع إن مكانتش لاقية ملعقة سكر ولا نقطة زيت، أهالينا عمرهم ما هربوا ولا يأسوا، بالعكس حلوا مشاكلهم وحطوا إيديهم في إيد بعض لغاية ما عدت الأزمة".

وجاء الحفل بحضور الرئيس عبد الفتاح السيسي وعدد من نجوم الوسط الفني، ككما قدمت المطربة شيرين عبد الوهاب أغنية " وأنت ماشي في سينا ادعي"، بالاشتراك مع الطفل محمد أسامه خلال فاعليات الحفل.