فتاة الـ«كده كده» طلعت «fake» وصاحبتها الأصل

انتشر خلال الساعات الماضية مقطع فيديو يكشف مفأجاة غير متوقعة عن سر شهرة سندس عبد الهادي فتاة التيك توك المعروفة بـ"كده كده" عبر تطبيقات التواصل الاجتماعي المختلفة، وهو ما لاقى رواجا كبيرا عبر السوشيال ميديا.

وظهرت سندس في مقطع الفيديو المسجل برفقة صديقتها التي بدأت تتهمها بسرقة شخصيتها وأسلوب عائلتها كاملة في طريقة الحديث، قائلة لها: "قدام الناس مش بتظهري بشخصيتك الحقيقة، وإنما بتكوني علياء المضروبة، علياء نمبر 2، وإنما كلامك عادي زي معظم الناس، وبتقليدي وعائلتي، و"أقسم بالله بتقلديني وعائلتي في طريقة كلامنا" لترد عليها سندس: "أقسم بالله ما بقلدك يا علياء".

تعليقات السوشيال ميديا

وجاءت تعليقات متابعي مواقع التواصل الاجتماعي على مقطع الفيديو المنتشر كالآتي: "اتشهرت على حساب صحبتها وعائلتها"، "حتى سندس طلعت فيك وسارقة شخصية صاحبتها، الدنيا معدش فيها أمان يا ولاد"، "عليا هي الأصل دي طبيعتها"، "البت نفسها سندس أكتر منها فعلا"، "بيتخانقو مع بعض عشان صاحبتها بتقلدها".

رد سندس

ومن ناحية أخرى، تداولت صفحات عديدة على مواقع التواصل الاجتماعي، رد منسوب إلى "سندس" الذي تظهر العديد من الصفحات باسمها عبر مواقع التواصل الاجتماعي كما أكدت مسبقا: "القصة كلها إن أصحابي لقوني مرة واحدة تريند وأنا مكنتش عايزه اطلع تريند اصلا، بس هي جات كده من عند ربنا، دي صحبتي وكنا قاعدين كلنا ومره واحده لقيتها بتقولي انتي بتقلديني وطلعتي تريند بكلامي وكانت متفقه مع صحبتنا تصورنا، وانا مش فاهمه هي بتقول إيه أصلا وأنا ولا قلدتها ولا اي حاجه، وفجأه لقيت بيدجات كتير منزله الفيديو، أنا أصلا في دبي والكلام ده من فتره بس حصل خير ماركو اللي بتستشهد بيه طلع وقال ان مفيش تشابهه بينا أصلا علي فكره هي مش فضيحة ولا حاجه بالنسبالي كفايه إني عرفت مين اللي بيتمنالي الخير ومين اللي جواه حقد وغل ليا".

وكانت حققت سندس عبد الهادي شهرة واسعة على السوشيال ميديا خلال الفترة القليلة الماضية، بعد ظهورها في أحد اللقاءات المسجلة في الشارع، وهي تعلق بطريقة لفتت انتباه المتابعين.