رغم نجاح «عمر وسلمى2».. أحمد البدري: تامر استبعدني من الجزء التالت والمخرج بقى درجة تالتة

عبر المخرج أحمد البدري مخرج فيلم "عمر وسلمى 2" عن استيائه وحزنه الشديد، بسبب استبعاد الفنان تامر حسني له من إخراج فيلم "عمر وسلمى 3" وأتى بالمخرج محمد سامي بديلًا له، بالرغم من نجاحهما في الجزء الثاني وتحقيق أعلى الإيرادات على حد قوله.

وقال البدري: "احنا نجحنا مع بعض، في 2009 و 2010 أخدنا أعلى إيراد في السينما المصرية في "عمر وسلمى 2"، ورفض أني أعمل معاه الجزء الثالث من الفيلم، عشان فكر جديد وبحجة أني كنت مش بسمع الكلام وبصر على اللي كنت عايز أعمله، والحمد لله بان على الشاشة أني عاملك حاجة كويسة".

وتابع: "الهرم دلوقتي اتقلب، المخرج بقى درجة تالتة والنجم بقى هو الدرجة الأولى وهو اللي بيجيب الكاست والمخرج ومدير التصوير ومهندس الديكور، ومحمد سامي كان عنده فكر تاني وأقنع تامر بيه".

وأردف: "ولما جه يكلم المنتج قاله لا أنا عايز أحمد البدري، فتامر قاله معلش ده فكر تاني وموضوع تاني، ومعتبتوش وقابلته مرة في فرح، مختتمًا "متفرجتش على فيلمه الأخير "بحبك" ومقدرش أحكم على تجربة إخراجه من غير ما أشوف الفيلم.



وجدير بالذكر أن، فيلم "عمر وسلمى 2" تم طرحه في دور العرض السينمائية يوم 19 من شهر مايو سنة 2009، وكانت تدور أحداثه في إطار كوميدي اجتماعي حول زواج كلا من عمر، وسلمى وإنجابهما لتوأم، ومعاناة الاثنين في تربيتهما، حيث تنشأ مشاكل بينهما بسبب إهمال سلمى لنفسها ولـ عمر الذي يعود مرة أخرى إلى غرامياته، وعلاقاته المتعددة.

وشارك في بطولة الفيلم عدد كبير من النجوم والنجمات، منهم: تامر حسني، مي عز الدين، عزت أبو عوف، ميرهان حسين، ميسرة، داليا بدر، ليلى أحمد زاهر، ملك أحمد زاهر، وغيرهم، والفيلم من تأليف تامر حسني وأحمد عبد الفتاح، وإخراج أحمد البدري.