رامي عادل إمام: الزعيم زي الفل وبيستمتع بحياته مع أحفاده وطلب كلب من شهرين

كشف المخرج رامي إمام العديد من التفاصيل عن والده الزعيم عادل إمام، مؤكدًا أنه بأفضل حال ويستمتع حاليًا مع أولاده وأحفاده بشكل طبيعي.

وقال رامي: «من حوالي شهرين، قال لي أنا نفسي يبقى عندي كلب، قولت له: حاضر، وجبناله كلب، وهو مبسوط جدًا بيه، فهو مستمتع بالحياة مع أولاده وأحفاده، فهو مشفناش في حياته كتير ومن حقه إنه ياخد راحته من الحياة شوية».

وتابع: «عنده عادة بيحب يحل الكلمات المتقاطعة لكل الجرايد وبالقلم الفولماستر كمان، وبيقرا الجرايد الورقية لحد دلوقتي، وبيتابع الأخبار في البرامج والجرايد أكتر مننا ونفسه يشوف فضل ونعمة».

وأردف: «عادل إمام عمل كل حاجة في الحياة، يوم ما يقرر يشتغل، هيشتغل شىء أنا مقتنع بيه وجديد عليه، لأنه عمل كل حاجة في الحياة، مفيش دور وموضوع مقتنع بيه، خلاص أنا مستمتع بحياتي مع أولادي وأحفادي، فالزعيم عادل إمام قدم 155 فيلما».

واختتم رامي إمام حديثه قائلا: «من 2010 إلى 2020 قدم مسلسلات، فتصوير المسلسلات منهك، ولحد النهاردة بنعرض عليه شغل، وصعب جدًا تنقي موضوع لعادل إمام لأنه قدم كل الموضوعات»، وجاء ذلك خلال استضافته مع الإعلامي عمرو أديب في برنامج الحكاية على قناة MBC مصر.