منتج «المهرجانات» سلطان الشن يحذر من التعامل مع مسلم

حذر المنتج سلطان الشن، من التعامل مع مطرب المهرجانات الشعبية مسلم، مؤكداً أنه سيوقف أي عمل له وسيرد بالقانون، وذلك بعدما اتهمه الأخير بالنصب.

وعلق سلطان الشن، عبر حسابه الشخصي على إنستجرام: توضيح هام لجميع الشركات وأصحاب القنوات أي شغل هينزل لأي حد من الفريق تبعي وبالأخص مسلم هيتم قفله في نفس اللحظة على يوتيوب أو أي منصة من المنصات وهيكون فيه رد قانوني.

وأضاف: وأنا ليس لي أي خلافات مع مسلم لكن هو بيمر بفترة صعبة وإن شاء الله كل شيء هيكون كويس وهيرجع لكم.

وكان قد أعلن مسلم اعتزاله عن الغناء، وكتب عبر خاصية ستوري على حسابه بإنستجرام: سامحوني لأول مرة أطلع عن حدودي، ولكن لازم أقول إن المجال ده لا يناسبني، وكنت بحلم أحقق الكتير في المجال والحمدلله نجحت وعملت اللي عليا، ومع ذلك مخدتش من المجال غير وجع القلب وانتهاك حقي إذا كان من منتج أو صاحب.. ومش هرجع إلا لما أكون حر وبعمل اللي عايزه.