بعد تداول صورة المأذون.. هل تزوج عمرو كمال من ندى الكامل ؟!

كشف المطرب عمر كمال، حقيقة الأنباء المتداولة في الساعات الماضية بشأن عقد قرانه على ندى الكامل، طليقة الفنان أحمد الفيشاوي، وذلك بعد انتشار صورة له مع مأذون.

ووضح كمال، حقيقة الأمر، من خلال منشور طويل له عبر حسابه على «فيسبوك»، حيث نشر صورة له مع الدكتور الأزهري أسامة قابيل، وعلق عليها قائلاً: «إمبارح شوفت صديقى الدكتور أسامة قابيل بعد شغله ونورنى وكان قعدة جميلة.. واخدنا صور عادية بعد القعدة وكان لابس اللبس الأزهرى الجميل لأنه بعد شغله.. الناس في لحظة ربطت ده انو كتبت كتابى وبحاجات شخصية في حياتى.. مع انى كنت لابس شورت وكاب وقاعد ف قعدة خاصة جدا مع ناس بحبها».

وتابع: «ليه يا جماعة فيه ناس عندها إصرار تخلينى أطلع كلام مش عاوز أقوله وتفتش ورايا .. وليه الناس متراعيش إن كل واحد ليه أهل وأسرة بيعملهم مشاكل معاهم بكل كلمة غلط بتنزل.. أنا حتى يوم ما أتجوز مش هدخل حياتى الشخصية ف السوشيال ميديا اطلاقا.. ياريت يا جماعة تسيبونى ف حالة وتراعوا ربنا ف سيرة الناس وفيه حاجات ف مصر أهم ١٠٠ مرة منى ومن أخبارى الشخصية».