راندا البحيري: شيرين عبد الوهاب بتاعة كل المصريين

علقت الفنانة راندا البحيري، على ما تم تداوله بالأمس، من معلومات عن أزمة شيرين عبد الوهاب، مع شقيقها ومرضها.

وشنرت راندا البحيري، فيديو، عبر حسابها الرسمي بموقع التواصل الاجتماعي، فيسبوك، قالت من خلاله: "أتمنى تكوني كويسة.. أنا متعلقة بشيرين.. أول مرة زعلت من شيرين أوي لما قالت إنها هتعتزل اليوم ده.. كنت مخنوقة فيه بشكل مش طبيعي، وبعدين سمعت قرار الاعتزال يومها حسيت أن القرار ده مش ملكها.. ده مش حقها لأنها بتاعتنا بتاعة المصريين".

وأضافت: "ليه ده أنا هتمنع اسمع صوت شيرين تاني.. قعدت أقول يارب يطلع الكلام ده مش صح.. أنا دلوقتي بتمنى أن انتي تكوني عارفة غلاوتك ومقدارك عند الناس، لأن من الواضح أنتي متعرفيش خالص.. أنتي لو عارفة المشكلة تخلص؛ الواحد محتاج دافع يعيش عشانه وتجدد شغفه علشان تعيش في الدنيا".

واستكملت باكية: "حُب الناس حاجة كبيرة جدًا تخلي الواحد مبسوط، ويقدر يقف قدام مرض وأي حاجة وحشه وتزعل على زعلها.. أنا الكام مرة اللي تعبت فيهم بالفعل في ناس تعبت على تعبك وزعلت على زعلك أنا لما بتزعلي أنا بزعل.. هي صعبانة عليا جدًا مكنتش أحب توصل للمرحلة دي من الوجع وبدعيلك وبحبك".

وقد أعلن محمد عبد الوهاب، شقيق شيرين عبد الوهاب، أمس، أنها تعاني من الإدمان ويعود السبب في ذلك إلى زوجها السابق حسام حبيب، اللذان تناولا المخدرات معًا، مؤكدًا أنها تعيش وسط عصابة وهما حسام حبيب وسارة الطباخ.