حسين فهمي: «اللي مش هيلبس الدريس كود هيتحبس»

علق الفنان حسين فهمي، خلال المؤتمر الصحفي لمهرجان القاهرة السينمائي الدولي، للدورة الـ44، على أمر الدريس كود الذي أفصح عنه من قبل.

وأشار حسين فهمي، خلال كلمته قائلاً :"أنا كل اللي بطلبه إن الناس تلبس شيك، فيه البدل الاسموكين اللي عرفناها من زمان، وكل الرجالة بتلبس درجة أولى في المهرجانات العالمية".

وأضاف مازحًا :"الرجالة زي الستات واللي هيخالف الدريس كود هيتحبس، وبطلب من السيدات إنها تلبس اللبس اللي إحنا بنشوفه في كل المهرجانات الدولية اللي هي درجة أولى، ميبقاش فيه مبالغة، ده كل اللي بطلبه".

وكان قد أعلن حسين فهمي منذ عدة أسابيع عن الدريس كود، بأن يكون بدلة ولا تخرج عن إطار المتعارف عليه ولا تكون الملابس مبالغ بها.

مؤكدا، مسألة اللبس تطورت فوق ما كنت أتخيل، وبقى وريني يا حبيبتي الفستان طب لفي كده، اسمه إيه الكوافير، مش ده المهرجان، كلنا لازم نبقى لابسين الدريس كود بتاع كل المهرجانات الدولية، الناس هتلبس كويس وهتبقى شيك وهيبان إنه مهرجان قيم جدًا.