مريض وعلاجه يتكلف 36 مليون جنيه.. قصة الطفل مصطفى شاهين بعد زيارة تامر حسني له (صورة)
كتب: عرفة محمد أحمد
زار الفنان تامر حسني الطفل مصطفى شاهين الذي يعاني من شلل بـ«جهازه الهضمي».
وكتبت والدة الطفل منشورًا وجهت من خلاله الشكر للفنان تامر حسني، قائلة: «أول ما حالة مصطفى وصلت للفنان تامر حسني لقيناه بعدها بساعة جاي من آخر الدنيا جري من منطقة الشيخ زايد للتجمع الخامس عشان يطمن على مصطفى وبالصدفة مصطفى أصلاً بيحب تامر حب مش عادي وبيتفرج على أفلامه هو بس لدرجة لما شافه مصدقش وافتكر إن دا واحد شبه تامر».
وأضافت: «ابني عنده شلل في الجهاز الهضمي كله مفيش أمعاء ولا معدة ولا بنكرياس، ولما بيتوجع مينفعش ياخد مسكن أو أي دوا يعني ألم طول الحياة، ومفيش صحة نهائي ودا مأثر على إدراكه، نفسي ابني يرجع زي صورته اللي في أول الڤيديو قبل المرض ادعوله ارجوكم وناشدوا معايا كل الجهات المسؤلة في دولتنا العظيمة.. انقذوا مصطفى الموضوع مش سهل ومش أي حد يقدر يعمله لصعوبة الخطوات والتكاليف اللي بتتجاوز ٣٦ مليون جنيه الموضوع أكبر من الأشخاص».
وتابعت: «عشان كدا اتمنى صوتي يوصل لكل الجهات المعنية الفاضلة وشكراً لكل اللي حاولوا يساعدوني، شكراً يا تامر على سرعة استجابتك وعلى كل اللي قولته واللي عملته إمبارح واللي لسه بتحاول تعمله عشان طفل أنت متعرفهوش ربنا يراضيك يا ابني وينصرك ويسترك دنيا وآخره».
