حسام حبيب: شيرين كانت منهوبة.. ولما اتجوزتها كان معايا فلوس أكتر منها

أكد الفنان حسام حبيب، أنه كانت تربطه علاقة صداقة قوية بالفنانة شيرين عبد الوهاب، قبل زواجهما، وكانت تستغيث به من كل من حولها وقالت له «أنا بتنهش»، على حد قوله.

وقال "حبيب"، في تعليق له على الأزمة عبر برنامج «الحكاية» مع الإعلامي عمرو أديب: «علاقتي بشيرين كانت صداقة، وفي البداية قالتلي أنا بتنهش، وكرست حياتي بعد زواجنا لمساعدتها، ولكن وجودي كان غير مستحب من  كل اللي حواليها، لأن الحنفية اتقفلت لان مفيش حد هيأخد حق غير حقه، ومكنتش تعرف هي عندها كام في البنك وكانت منهوبة».

وأضاف: «أنا اتصدمت لما عرفت الرقم اللي في حسابها، ورغم أنها بتشتغل أكتر مني وأكتر شهرة مني، لكن عندي فلوس أكتر منها بكتير، وللأسف لا كانت بتحافظ على فلوس ولا أصول.. وحقيقي الست دي كانت منهوبة».

واختتم حبيب حديثه قائلا: «ولما دخلت منعت كل الأخطاء، وبالتالي كنت العدو الأول لأي حد بيعمل كده وبيستغلها، وفضلوا يشتغلوا على إن الراجل ده يمشي، ومش الناس بس اللي كانوا بيشتغلوا معاها.. كان كمان الناس اللي واكلين وعايشين في خيرها».