حسام حبيب: شيرين عبد الوهاب اتعرضت للضرب والسحل وأخوها فتح عليها «مطواة»
كتب: نسرين إبراهيم
تحدث الفنان حسام حبيب، للمرة الأولى عن أزمته مع طليقته شيرين عبد الوهاب، بعد اتهام شقيقها محمد لها بتدمير حياتها وكونه وراء إدمانها للمخدرات.
وقال حسام حبيب، في تصريح لبرنامج «الحكاية» مع الإعلامي عمرو أديب: «شيرين اتعرضت للضرب والسحل واتفتح عليها مطواة، قدام عيني، ونزلت غصب عنها من بيتها حافية بالبيجامة واتشتمت بأقذر الشتايم، وقعدت تصرخ وتعيط وأخوها كان جايب ناس أصحابه مع ناس من المستشفى اللي اخدتها».
وأضاف: «حاولت أدخل وأحل الموضوع بالذوق والعقل، وأدافع عنها اتضربت واتكتفت وأتاخد مني التليفونات، وأخوها كان رافض التفاهم وكان بيوجه الكلام ليها بيقولها بتغيظي أمك وبتقوليها هترجعي لحسام، وهي كانت بتقوله أنا شيرين أختك الكبيرة اللي وقفت جنبك وعالجتك تعمل فيا كده».
وتابع: «شيرين اتأخدت بطريقة هتعملها صدمة طوال حياتها، والمنظر مش هقدر أنساه طول حياتي أنا نفسي بقى عندي عقدة، ووقتها ما رديتش أعمل محضر لأخوها لأن خوفت عليها تتأذي».
واختتم حسام حديثه قائلا: «صديقة لشيرين، هي اللي سلمتها لشقيقها وأديتها نسخة من مفتاح الشقة، وقالتلها على التوقيت اللي هكون فيه، وكان كله مترتب».
