لأول مرة.. هاني شاكر يكشف عن عادة غريبة قبل بدء حفلاته
كتب: مؤمن نصر
أكد هاني شاكر، أنه لا تعقيب على اختيارات مهرجان الموسيقى العربية في دورته الـ 31، للنجوم، لأنه يتم تقديم باقة مختلفة ومميزة من المطربين كل عام، وعلى مدار الدورات المتتابعة للمهرجان غنى نجوم مصر والوطن العربي كافة، مضيفا: "المهرجان كل سنة بيقدم كوكبة رائعة من الفنانين، مجموعة مكتملة الأركان وفيها كل الألوان الغنائية وكل المطربين والمطربات من مصر والوطن العربي، فاللي مش هنشوفه السنة دي هنشوفه السنة الجاية أكيد.
في نفس السياق، وجه الشكر لدار الأوبرا المصرية ولوزيرة الثقافة نيفين الكيلاني، قائلا: أنا شفت كوكبة من النجوم بقالي سنين مشوفتهاش في مهرجان موسيقي.. لذلك كل الشكر لمهرجان الموسيقى في دورته الحالية.. وبتمنى يبقى عندنا أكتر من 10 مهرجانات موسيقية سنويا عشان نواجه الفن الهابط.. مصر تستحق وتقدر إنها تعمل أكتر من مهرجان في كل محافظة.
تابع: لازم نقدم الفن الجيد اللي يطرد الفن الردئ، الناس فعلا حابه الفن الجيد وحابة تشوف حاجة حلوة.
وبسؤاله عن الطقوس والعادات التي يحرص عليها قبل صعود المسرح ومواجهة الجمهور، قال هاني شاكر إنه يشرب كوب من الماء الساخن المضاف له السكر، مضيفا: "قبل ما أطلع المسرح لازم أشرب كوباية مية سخنة بسكر.. لأنها حلوة للأحبال الصوتية، حتى وأنا بغني في الاستوديو لازم أشربها.. بينما الينسون مبيعملش حاجة معايا".
