عمر كمال: «كنت ببيع الشريط بـ3 جنيه.. ومش مستعد أقابل ربنا دلوقتي»

كشف الفنان عمر كمال، عن الكثير من أموره الشخصية خاصة بشأن بدايات في دخول مجال الفن، وخلافه مع الفنانة سمية الخشاب وعدد من الفنانين.

وقال كمال، عبر لقاء له من خلال برنامج «برلمان شعب» للإعلامي طارق حبيب: «اشتغلت حاجات كتيرة قبل الفن، وكنت بروح من المنصورة للسويس أسجل خطب للشيخ حسان وأبيعها في مصر الشريط بـ 3 جنيهات، واشتغلت الشغلانة دي لأن والدي كان متدين وإمام جامع وحافظ كتاب ربنا، ومكنش موافق على أي شغلانة كنت بشتغلها».

وعن مدى استعداده لمقابلة ربنا، رد عمر كمال قائلًا: «مش مستعد أقابل ربنا دلوقتي، ولو قابلت ربنا هيشوف الخير اللي جوايا».

وبشأن تسديده ضرائب لنقابة الموسيقيين، ومشاكله الكثيرة على الساحة وإيقافه أكثر من مرة، قال كمال: «كل أوردر بنزل أشتغله بدفع للنقابة حقها، وبخصوص المشاكل ليه بيحصل مشاكل لأننا نجحنا نجاح مش تقليدي ولينا أغاني محققه 4 مليارات مشاهدة، وبدأت أخد بالي من الكلمات اللي بأقدمها لأننا بندخل بيوت كتيرة».

 وأضاف: «في حاجات لو رجع بيا الزمن تاني هغيرها، وأخدت عهد على نفسي أني مش هظهر تاني مع راقصات، والوعد ده قدام ربنا من أخر عمرة عملتها، اتوقفت ثلاث مرات، الأولى كانت واقعة الاستاد بسبب جملة خمور وحشيش.. والمرة التانية كانت بحفل السعودية، واللي بعديها كانت لما كنت في أمريكا».

وأكد كمال، أنه ليست في حاجة لافتعال مشاكل من أجل الشهرة لأن أصبح هكذا، قائلا: «مش محتاج أفتعل مشاكل علشان أتعرف لأن أصلا معروف، وأقدر أعمل تريند وبعرف أعمل كده».

وعن عدد العربيات الذي يمتلكها رد عمر كمال، قائلًا: «عندي 4 عربيات بفلوس كتيرة منهم واحدة بـ 8 ملايين جنيه حصلت عليها كهدية».

وبشأن خلافه مع سمية الخشاب وعبد الباسط حمودة وحمو بيكا، قال: «علاقتي كويسة بالفنان عبد الباسط حمودة، ومحصلش بينا أي خلاف، أنا بحب أشتغل في شغلي صح وحمو بيكا مشكلتي معاه الشغل الصح، وهو نفس الكلام مع سمية الخشاب، شايف أن أغنيتي معها منجحتش مع أنها جابت 16 مليون مشاهدة، لأنها خلفت بالخطة التسويقية اللي كنا متفقين عليها، وأنا عايز كل أغنية ليا تجيب الـ 100 مليون مشاهدة».