محمد رمضان: ممكن أتقارن بـ عادل إمام في المستقبل

عبر النجم محمد رمضان عن سعادته البالغة وشعوره بالفخر لمقارنته مع الزعيم عادل إمام من قبل البعض، مؤكدًا أنه تاريخ وله مكانة خاصة جدًا في قلبه وعند الجمهور.

وقال "رمضان": "صداقتي بـ عادل إمام شرف ليا وممكن أتقارن به في المستقبل لما اشتغل عدد السنين اللي اشتغلها وأقدر أحافظ على مكانتي، إنما مقارنتي دلوقتي به هتظلمني لأن عادل إمام مدرسة كبيرة".

وتابع: "أنا لا أفصح عن أحلامي، لأن طموحي لا يستوعبه أحد وممكن هيقولوا عليا مجنون، لكن الجمهور هيشوف كلامي سنة 2070 وهيقول إن معايا حق، وأنا كل اللي بيتقال عليا ظلم لأني مش مغرور ولا متكبر ومعرفش ليه بيعملوا فيا كده؟ ليه بيدمروا صورتي"، وجاء ذلك خلال استضافته مع الإعلامية دينا الفواخري في قناة صوت بيروت.

من ناحية أخرى، ينشغل "رمضان" بتصوير مسلسله الرمضاني الجديد الذي يحمل عنوان "العمدة"، ويشارك في بطولته كل من زينة وهيدي كرم ومنة فضالي وإيمان العاصي ومي كساب وهالة صدقي وعصام السقا وطارق النهري وأحمد داش ومجدي بدر، وهو من تأليف وإخراج محمد سامي، وإنتاج شركة ميديا دهب.

من جهة أخرى، حصل النجم محمد رمضان على جائزة أفضل ممثل عربي في حفل توزيع جوائز الموريكس دور، بدورته الـ 22، والذي أقيم منذ أيام في بيروت.

وفي كلمته بعد استلام الجائزة، أهدى محمد رمضان التكريم لأعدائه قائلا: "أهدي الجايزة لكل أعدائي اللي بجد هما مصدر شغفي وهما مصدر حماسي ولولاهم عمري ما كنت بقيت محمد رمضان ولا عمري حققت اللي بحققه هما ليهم دور كبير في هذه الجائزة".