سماح أنور لـ شيرين عبدالوهاب: «عايزة أعرّفك على إنسانة بتعشق إنك اتولدتي»
كتب: أحمد حسني
وجهت الفنانة سماح أنور رسالة دعم للفنانة شيرين عبدالوهاب بعد أزمتها الآخيرة، مع الفنان حسام حبيب وشقيقها محمد عبدالوهاب، والتي دخلت على إثرها إلى أحد المستشفيات.
ونشرت الفنانة سماح أنور على صفحتها الموثقة بموقع التواصل الاجتماعي فيسبوك منشورًا قالت فيه: عايزة أعرفك على إنسانة بتعشق إنك اتولدتي، أكتر واحدة فرحت بيكي وعندها كمية كلام وأحلام وإلهام مش هتصدقيها، وهتعوزي مليون عمر على عمرك علشان تكفيها، عايزاكي مش بس تقابليها، لا نفسي كمان إنك تعينيها الإنسانة الوحيدة اللي طول عمرها في ضهرك، هي اللي بتسندك في البكا وفي الفرح، في النصرة وفي الانكسار، في الصحة وفي المرض، في النجاح وحتى الفشل.
وتابعت سماح أنور: ماتنسيهاش وما تهينيهاش ثقي فيها حني عليها، اسمعي بكاها وخديها في حضنك وحافظي أوي، دي اللي خلت شيرين تخش قلوب الدنيا زي سهم العشق اللي لو اتنزع مننا يوجعنا، دي الوحيدة اللي عمرها ماسابتك ولا خذلتك، اسمها شيرين عبد الوهاب برضه، خللي بالك عليها، واسمعي كده في وسط كل الألم والزعيق والدوشة؛ صوتها الهادي الواطي البسيط بيقولك كلمة واحدة صداها في قلوبنا، اسمعي كده.. قالت إيه؟.. هتقومي.
