ميار الببلاوي لـ«العاصمة»: «رفضت المشاهد الجريئة.. ولم أقل على نفسي قديسة»

علقت الفنانة ميار الببلاوي على ما أثير حولها من جدل خلال الساعات الماضية، بشأن ما قالته في ضيافة الإعلامية مروة صبري، حينما قالت:«لما رفضت تصوير مشاهدي الجريئة مع عمرو عبدالجليل في رمضان قعدت أعيط علشان كانوا يجبروني عليه، وكنت صغيرة وقتها حوالي 17 سنة، نجلاء فتحي قالتلي بصي يا حبيبتي رمضان ده معمول عشان الناس الفقراء، والناس الأغنياء بيعملوا نفسهم مبياكلوش عشان قدام الناس الفقراء يعني».

وأضافت الببلاوي، في تصريح خاص لـ«العاصمة»،  لم أقصد الهجوم على الفنانة نجلاء فتحي مُطلقًا، بل هي أستاذتي، وبحبها جدًا على المستوى الشخصي فهي أحسن وأجمل شخصية قابلتها في حياتي.

وتابعت: هي حاولت تقنعني كأني طفل صغير، عشان نصور ونخلص المشهد، مَضيفة، ,لم تكن بالطبع تقصد ما قيل، وأي شخص في الكون هو أقرب إلى الله منها على حد وصفها.

واستكلمت: «أنا لم أقل على نفسي إني قديسة، ولما ذهبت لتصوير هذه المشاهد كنت طفلة صغيرة، وهي قالت لي هاتين الكلمتين بمنطق الدعابة، وتقوم بتدليلي لكي أصور».

واستطردت:  «أنا مين عشان استجري أهاجم مدام نجلاء فتحي، وهي نجمة وعظيمة وأستاذتي وحبيبة قلبي، ولا استطيع أن انسى ما فعلته معي أثناء تصوي الفيلم وما بعدها».

وكانت قد خرجت ميار الببلاوي أمس قائلة:"نجلاء فتحي قالتلي،  رمضان بتاع الفقراء بس مش بتاع الناس العادية، احنا عندنا أكل نصوم ليه؟ قالتلي كده عشان كانت بتقنعني أصور المشهد، وقالتلي الموضوع مش محتاج أنك تعطلينا، ومافيش حاجة اسمها رمضان، عشان أصور مشهد جرئ في فيلم ديسكو ديسكو"، وجاء ذلك خلال استضافتها مع الإعلامية مروة صبري في برنامج "قعدة ستات"، على شاشة القاهرة اليوم.