فريدة سيف النصر: تعرضت لوعكة صحية شديدة وخضعت لجلسات أكسجين

كشفت الفنانة فريدة سيف النصر، عن تعرضها لوعكة صحية شديدة، أدت لخضوعها لجلسات أكسجين، رغم عدم قيامها بالتدخين أو تعرضها لأي شيء يؤدي إلى ذلك.

ونشرت فريدة سيف النصر، عبر حسابها بموقع التواصل الاجتماعي، منشور قالت من خلاله: "يا حبايبي أنا تعبانة بجد مش هزار، والدكتور مش لاقي مبرر دي قلة أدب والله، مناخير مسدودة وصدري مغلبش معرفش جبتها إزاي دي ولا بدخن ولا بقعد مع مدخنين، همدان حرارة برودة وجابولي أوكسجين فيه محلول، كله 500 إيه الهده دي بقا".

وأضافت:" أعرق أسقع أسخن أدوخ أكح أعطس كل الفصول شغالة، باين ثقب الأوزون بتاعي هو كمان باظ، بس على مين والله ولا أعبرك مبحبش أعيا، أحفادي مين يدلعهم، وكلابي مين يراعيهم، القطط والكلاب اللي بره مين يؤكلهم، شغلي مين يصوره، لا ده اللي مالوش أمان يلاقوا غيرك هوا مش مهم.. بس أنا هاوريها قلة الأدب دي، قال ألف وزة قال طيب ما أنا بمليون بطة".

وكانت تعاقدت فريدة سيف النصر على  المشاركة في مسلسل"العمدة"، بالاشتراك مع محمد رمضان وزينة وإيمان العاصي ومن تأليف وإخراج محمد سامي.