محمد عطية: هستنى أروح دار مسنين عشان أحب أم كلثوم

تعرض المطرب محمد عطية لحملة من الهجوم بعد اعتراضه على صوت السيدة أم كلثوم، وإعلانه أنه حاول أن يحب صوتها ولكنه فشل.

ونشر محمد عطية، عبر حسابه الرسمي بموقع التواصل الاجتماعي، فيس بوك، منشور قال فيه:" أنا ما بحبش أم كلثوم.. فا بقالي 3 أيام بحاول أحبب نفسي فيها. فا بشغل أغنية ليها قبل ما أنام وكل يوم بروح في النوم قبل ما تكون بدأت تغني".

وأضاف في التعليقات: "أنا حافظ كل أغانيها وبحبها.. وما بحبش صوتها عادي يعني"، كما علق الفنان المصري شيكو: "أنا لما كبرت بقيت بحبها وبحب اللفت في الطرشي وبقى عادي إن يطلع لي حبهان وأنا باكل. دي أعراض بتيجي مع بعض"، وهو ما رد عليه "عطية" بقوله: "والله يا شيكو صدقني صعب جدًا أحبها. الموضوع عندي مش مرتبط بسن، مرتبط بإني مش بحس حاجة لما أسمعها".

ليرد محمد عطية قائلًا: "بحب أغانيها جدًا وحافظها، بس عمري ما وصلني حاجة من صوتها في الوقت اللي بسمع فيه حاجات أقدم وبستمتع. الكلام اللي بتقوله ده بسمعه من وأنا عندي 12 سنة وأنا هكبر أكتر من كده فين؟ دار مسنين".