هيفاء وهبي توجه رسالة لـ«يسرا اللوزي» بعد التنمر على ابنتها

دعمت الفنانة اللبنانية هيفاء وهبي، المصرية يسرا اللوزي، فيما تعرضت له بسبب ابنتها خلال الأيام الماضية.

وقالت هيفاء وهبي، خلال مداخلة هاتفية لها، ببرنامج "القاهرة اليوم"، :" ربنا يحفظ بنتها وأكيد ربنا أعطاها أحن أم في العالم عشان متوصلهاش ده، وده مش عيب لأن أكيد الانسان اللي عنده مشكلة في حياته يمكن يكون أحسن من 100 حد بيتنمر".

وأضافت:" المهم ميأثرش هذا الأمر على البنت ولا على والدتها، فهي فنانة محبوبة جدًا، فأنا بعزها وبحبها وربنا يحمي بنتها، وبعدين مش أحسن ما يكون البنت عندها مشكلة وأهلها قاسين، فأمها حنينة عليها جدًا وبتقابل مجتمع مريض، مش لازم نستسلم للحكي، لازم نستسلم للناس اللي بتحبنا".

واستكملت:" وبعدين دي خلقة ربنا فإذا سخرت منها بكره هتشوف ربنا هيعمل فيك إيه، ربنا مش هيسبهم ولازم يكون فيه قوانين للسوشيال ميديا، اللي يفتح أكونت يفتحه بالبطاقة بتاعته، عشان لما شخص يتنمر يعاقب".