بشرى تتعرض للهجوم بسبب ارتدائها فساتين مسروقة من زهير مراد

تعرضت الفنانة بشرى للهجوم بسبب ما ارتدته من فساتين في عدد من المحافل الرسمية خلال الفترة الماضية، وذلك بعد ارتدائها لفساتين من تصميم السوري أيمن لحموني.

والذي قام بإعادة تفصيل الفساتين والتي هي بالأصل تخص مصمم الأزياء العالمي زهير مراد.

وكتب محمد الشريف، ناقد الموضة، عبر حسابه بموقع التواصل الاجتماعي، فيس بوك: "بشرى بفستانين من ايمن لحمونى منسوخين كوبي بيست بكل تفاصيلهم من المصمم زهير مراد، مع احترامي ليك و لشخصك الكريم يعنى للدرجادى انعدم الابتكار وانعدمت الأفكار عندك انك تعمل كده طب على الأقل غير ولا أعملك أي منظر حتى ؟!! حقيقي حاجة تكسف و ملهاش اى تبرير غير ان ده عدم احترام للمهنة و عدم احترام لزمايلك و لا للعملاء بتوعك انت خونت ثقة ناس كتير فيك و أنا واحد منهم منتهى العبث انك تخيط تصميم بتاع حد من زمايلك و تنسبه لنفسك كأنك انت اللى عامله و ده و لا هو شغلك و لا دى افكارك".

وأضاف: "دى مش أول مرة انت تعمل كده فستان رضوى الشربينى الأخير نفس الكلام و فساتين المطربة مى فاروق نفس الكلام كلهم ضحايا العبث بتاعك طيب ليييه تعمل كده ليه مفيش ضمير مهنى ؟!!! فين هويتك انت كمصمم ازياء زى ما بتقول على نفسك فين شخصيتك فى التصاميم ؟!!! كلمة مصمم ازياء دى كبيرة اوى وانت بعيد كل البعد".

وقال المتابعين عبر مواقع التواصل الاجتماعي، تعليقات على الأمر:" مش ممكن تكون هي اللي طلبت انه يعملها نفس ال design؟"، وعلق آخر:" و مستحيل برضه تكون بشرى مش عارفه انها تصميمات زهير مراد لأنها بالتأكيد متبعاه، و عادي جدا بيجيلي زباين عائلات كبيره جدا و بيطلبوا تقليد لفستان ديزاينر تاني و بقول ان ده مش تصميمي ده تصميم الديزاينر فلان".