عمرو أديب: الغرب هما اللي بوظوا المناخ والبيئة ومش عاوزين يتحملوا المسئولية
كتب: شروق خالد
أكد الإعلامي عمرو أديب، أنه هناك أكثر من 55 دولة تأثرت بتأثيرات المناخ من الدولة النامية والفقيرة، مشيرًا إلى أن حجم خسائر التقدم التكنولوجي في البلدان المتقدمة، والمتسبب في زيادة نسبة الغازات الضارة المنبعثة في الجو تزيد عن نصف تريليون دولار.
وقال "أديب": "الغرب لا يريدون أن يكون هناك اعتراف عالمي بكونهم سببًا في هذه الخسائر، يعني ليه كان في مقاومة السنين اللي فاتت في إدراج البند بتاع الأضرار والخسائر، موضحًا: "لأن الغرب مش عايزها رسمي، مش عايز يبقى في اعتراف عالمي تاريخي أن هما كانوا سبب في الخساير، مش عشان مسألة تاريخية عشان مسألة مادية".
وتابع: "هتبتدي تقوله التعويضات يا غرب، فلوسك يا غرب، أنت بهدلتنا يا غرب، فالغرب بيقولك بلاش حكاية الأضرار والخسائر دي، وبلاش حكاية صندوق التعويضات ده، احنا هنبتدي نعوض وفلوس كتير، ما تيجي نقعد واحد لواحد عندك أنت مشكلة، أعملك مشروع، عندك أنت حاجة مضايقاك اظبطهالك، عندك مشروعات ابعتلك خبراء، إنما صندوق لا، الاعتراف بالأضرار والخساير لا".
إقرأ أيضًا: عمرو أديب: «آن الآوان للقضاء على البيروقراطية.. ومدام مديحة اللي في التالت لازم تمشي»
واستطرد: "حقيقة الأمر دي مفيهاش هزار، هما اللي بوظوا المناخ والبيئة، أنت لو تعرف أنت مسئول عن قد إيه من الانبعاثات".
واختتم "أديب" حديثه بقوله: "السنة دي 10% زيادة انبعاثات، التلوث بيزيد وسط كل الكلام الحلو وتلاقي كل الفيديوهات والأبحاث جاية من الغرب واحنا الشرق مبنعملش حاجة خالص أنا ضحيتك، أنتوا شوفتوا العالم العربي السنتين اللي فاتوا الأنهار اللي جفت والمياه اللي قلت، ودرجات الحرارة اللي ارتفعت"، وجاء ذلك خلال حلقة اليوم من "الحكاية" المذاع عبر شاشة "mbc مصر".
عمرو اديب: الغرب مش عاوز يعترف انه سبب التغير المناخي.. مش عاوزين يتحملوا مسؤولية الخسائر والأضرار
— الحكاية (@Elhekayashow) November 6, 2022
تقدر تشوف الحلقه كامله على شاهد (اتفرج ببلاش)https://t.co/LayFZOKEEy #الحكاية#MBCMASR pic.twitter.com/Re7QiEktGm
