نادر عباسي يكشف أسباب منع «المطرب النقاش» من الغناء

كشف المايسترو نادر عباسي، عن أسباب منع الشاب أحمد سالم الشهير بـ«المطرب النقاش» من الغناء على مسرح الأوبرا، في فقرة مع النجمة أصالة من خلال حفلها الأخير بختام مهرجان الموسيقى العربية.

وقال «عباسي»، خلال حواره ببرنامج «الستات»، الذي يعرض على قناة «النهار»، تقديم الإعلامية مفيدة شيحة والإعلامية سهير جودة، اليوم الإثنين: «مقدرش أخد القرار المسؤولية اللي أخدوها وليهم أسبابهم، ولكن من خبرتي الموضوع حساس أوي، لسبب إن في ناس كتير في الأوبرا أكاديمين ودارسين، ومطربين شاطرين جدا، وبيتمنوا يغنوا في مهرجان الموسيقى العربية، وفي الأوبرا ما يقدروش يأخدوا كل المطربين لأن العدد كبير جدا، وبالتالي في ناس كتيرة واقفة طوابير علشان تغني وتأخد الفرصة دي».

وأضاف «ولكن لما حد فجأة يجي علشان تريند معين، نقول خلاص يطلع يغني هيحصل نوع من أنواع الظلم لناس كتيرة جدا، وده تخيلي».

وتابع: «المطربة أصالة كانت هتخليه يغني معاها أغنية، أن شايف مثلا لو هو كان قاعد وسط الجمهور، وهي طلعته يغني معاها كانت ممكن تعدي لأنها بتحصل، لكن إن هو يتحط في البرنامج أو أساسي في الحفلة صعبة أوي، وعن نفسي شايف إن ده كان قرار سليم لصالح الناس الموهبة والشطار، ومصر ولادة وفيها موهبين كتير ومنتظرين الفرصة دي وفي الأوبرا».