محمد الشرنوبي: أنا مسالم لدرجة إني اتثبت واتاخد مني الأيفون

أكد الفنان محمد الشرنوبي أنه شخص مسالم، ولا يدخل في مشادات بالضرب مع أحد، لكنه تعرّض للسرقة بالإكراه قبل عدة سنوات، أدت لإصابته في ذراعه.

أوضح الشرنوبي أنه خلال فترة الثورة والفوضى التي حدثت بعدها، كان يمتلك جهاز "أيفون 5"، كان قد اشتراه من الخارج، قائلا: "كان أيفون 5 لسه نازل وجبته من برا وفرحان بيه أوي، كنت ساكن في أكتوبر ونزلت اشتري حاجة لقيت توك توك معدي جنبي وقفني بطريقة غريبة".

تابع: "قالي بقولك ايه يا كابتن العدة اللي في إيدك دي أنت جايبها منين، قلت له جايبها من برا مصر، كنت بتكلم بجد، قالي لا أنت جايبها من السادس ولبّست صاحبة المحل 200 جنيه مزروة، فتعالى معانا نشوف الحوار ده.. قلت له مش جاي، فطلع مطواة وضربني في كتفي لقيت دم نازل فقولت له قشطة أنا جاي معاك، وركبت معاهم التوك توك واحد على يميني وواحد على شمالي".

من جانبها، قاطعته منى الشاذلي قائلة: "أنت كده اتخطفت مش اتثبت يا محمد"، ليرد ضاحكا: "مظبوط" وأضاف: "وصلت معاهم في مكان كده ونضفوني.. اخدوا الموبايل والمحفظة.. المحفظة كان فيها 40 جنيه"، وجاء ذلك خلال استضافته مع الإعلامية منى الشاذلي في برنامج "معكم منى الشاذلي"، على قناة cbc.

إقرأ أيضًا: ليه اتقارن بجوني ديب؟.. محمد الشرنوبي يوضح حقيقة وجود خلافات مع طليقته راندا رياض

ويذكر أن، الشرنوبي، قد شارك مؤخرًا في مسلسل "فاتن أمل حربي"، الذي عرض بموسم رمضان الماضي، وحقق نجاح كبير وقتها، وهو من بطولة النجمة نيللي كريم وشريف سلامة وهالة صدقي وفادية عبدالغني ومحمد التاجي وخالد سرحان، ومن تأليف إبراهيم عيسى وإخراج ماندو العدل.