دينا الشربيني تعلن دخولها في علاقة حب جديدة: الراجل اللي بحبه لذيذ أوي

كشفت النجمة دينا الشربيني، عن دخولها في علاقة حب جديدة، بالإضافة إلى حديثها عن علاقاتها العاطفية السابقة.

وقالت الشربيني: "أنا محبتش كتير ولما بحب بحب أوي، وممكن أحب شخص من أول نظرة، مضيفة: "ومقدرش أحب واحد تقيل الدم لازم يكون لذيذ دي مهمة جدًا، بحب الرجالة اللي دمهم خفيف وتقال".

وتابعت: "مفيش حد هتبقي بتحبيه هتنسيه بسهولة علشان فيه عشرة وحاجات كتير، ولكن لازم كل حد يبقى في حاجة يعرف إن الحاجة دي ممكن تخلص ولو خلصت يبقى ده الأحسن علشان ربنا شايل له الأحسن، وأنا عندي الحمد لله حاجة كويسة وهي فكرة الرضا والتأقلم، يعني أنا هقاتل علشان حاجة أنا هقدر أعملها، ولكن مش هقاتل على حاجة خلاص مش هتنفع".

واختتمت حديثها: "أنا بحب إحساس الحب جدًا، ودايمًا بقول إن الحب مش معناه حب بين واحد وواحدة أو واحد ومراته، الحب عمومًا بين الناس والأهل والصحاب، فكرة الحب بحبها، وبحب الشغل أوي ولكن لازم يكون فيه توازن، وأنا الحمد لله عايشة حالة التوازن دي"، وجاء ذلك خلال استضافتها مع الإعلامية جومانة بوعيد برنامج "يلا نحكي" على الفضائية اللبنانية.

يذكر أن، دينا الشربيني يعرض لها حاليا مسلسل "آخر دور"، وتدور أحداثه حول روان، وهي فتاة مُتهمة بقتل زوجها، ولكنها تحاول إثبات براءتها، ويُشاركها في بطولة المسلسل النجوم أحمد خالد صالح، مريم الخشت، نهى عابدين، وهو من تأليف وسام صبري وإخراج حسين المنباوي.

وتنتظر دينا الشربيني إطلاق فيلمها "يوم 13" في دور السينما، ويشاركها بطولته النجوم أحمد داود، شريف منير، أروى جودة، وهو من تأليف وإخراج وائل عبد الله.