عمر كمال: «أنا مش زعلان من اللي بيشتموني.. ونفسي تحبوني»

أكد الفنان عمر كمال، أنه مشغول هذه الفترة بأعماله الفنية التي يضع فيها كل تركيزه، مشيرا إلى أنه تعرض للعديد من الشائعات في الفترة الماضية، والهجوم والسب أيضا من البعض بسبب تصرفات بدرت منه في البداية كانت غير مقصودة.

وقال عمر كمال، في تصريحات جديدة عبر حسابه الرسمي على "فيسبوك"، موجها رسالة لجمهوره: "أنا عندى ١١ مليون أخ وأخت على الصفحة ديه جمعتهم فعلا بتعب على مدار سنين بأغاني حلوة و بأفراح وحفلات وسفر وحلمت انى أوصلهم".

وأضاف: "فيه منهم كتير بيحبوني ومنهم كتير بينتقدونى في الكومنتات ويشتمونى .. أنا مش زعلان منهم وممكن يكون أنا السبب لانى عملت حاجات في أول طريقى المفروض معلمهاش بس يمكن عملتها عشم فيكم أنكم تفرحوا معايا بيها معرفش أنها ممكن تزعلكم".

وتابع: "وفيه أشاعات طلعت أنا مليش ذنب فيها .. بس بقالى فترة مركز في الشغل وبس والأيام الجاية أو كل اللى جاى مش هتسمعونى أو هتشوفونى غير في شغل وبس .. وأغانى كويسة محترمة تليق بيكم".

واختتم، قائلا: "ربنا يعلم أنا بحبكم من قلبى، ونفسى تحبوني زى ما أنا بحبكم".