رئيس الزمالك: لو الخطيب قالي يا أستاذ مرتضى عاوزين نخلص موضوع «كهربا» هخلصه 

وجه المستشار مرتضى منصور، رئيس نادي الزمالك رسائل خاصة إلى محمود الخطيب، رئيس النادي الأهلي، بسبب غرامة محمود كهربا، لاعب القلعة الحمراء.

وقال مرتضى  في تصريحات متلفزة له: « لو محمود الخطيب، رفع سماعة التليفون وقال يا استاذ مرتضى، عاوز نخلص موضوع كهربا بطريقة ودية بعيدًا عن المحاكم أهلًا وسهلاً به.

وأضاف:"لو العلاقة محترمة، وفيها تحضر بين الزمالك والأهلي مفيهاش كذب ولا كيد نسا ومفيهاش لجان بتشتمنا 24 ساعة، كنا سنوافق على تقسيط غرامة كهربا».

وتابع رئيس الزمالك: «انا اللي صعبان عليا في الموضوع كله كهربا، الواد مستقبله ضاع فهو كان لاعبا في المنتخب وكان من أفضل لاعبي مصر هو فين دلوقتي؟».

واستكمل مرتضى تصريحاته قائلاً: «علاقتي بمجلس الأهلي محترمة، وهناك مباراة لفريق الطائرة يوم الاثنين في الزمالك، هيشوفوا كيف يستقبل مجلس إدارة الزمالك كل البنات في الأهلي ومدير النشاط الرياضي وأي حد من مجلس إدارة الأهلي فوق دماغنا، هيشرفوا ويشوفوا الفرق في المعاملة».

وكشف رئيس الزمالك، بأن أشرف عبدالعزيز، المحامي الخاص بـ محمود كهربا، تواصل معى واترجاني أوافق على تقسيط غرامة اللاعب وعرض عليّ تقسيط الغرامة المستحقة ضد اللاعب لصالح القلعة البيضاء، وقولتله لا».

وأستطرد: «3 حاجات مش هعملها، لن أوقع على عقد الرعاية بهذا السعر، لأن الزمالك مش أقل من الأهلي، ولن أقسط غرامة كهربا ولن أعتذر لـ محمود الخطيب»، مؤكدًا: «لن أفعل تلك الأمور مهما كانت الضغوط التي أتعرض لها.

ورد المستشار مرتضى منصور، على تصريحات المهندس عدلي القيعي، وإبراهيم المنيسي، عبر قناة الأهلي، بشأن رفض الزمالك استمرار كلاتنبرج، في رئاسة لجنة الحكام قائلا:«عدلي القيعي وإبراهيم المنيسي، قالوا (الزملكاوية مش عاوزين كلاتنبرج، عشان هما عاوزين حكام السنة اللي فاتت والحكام يجاملوهم ليحصلوا على بطولة الدوري)».

وأختتم: «أنا موافق الحكام جاملوني سنتين، ما أنت جاملوك 40 سنة، مستكتر عليا سنتين.. طبعًا مفيش الكلام ده، لكن أنا بوريك إنك بقالك 40 سنة بتتجامل».