الرئيس السيسي: صندوق قناة السويس مراقب من أجهزة الدولة

تحدث الرئيس عبد الفتاح السيسي، عن جهود الدولة في دعم إنشاء المصانع من أجل تقليل الاستيراد، قائلاً :"المسار اللى بنتكلم فيه لرجال الأعمال.. لما قولت الرخصة الذهبية كان اوفر للوقت.. والكلام للبنوك ما فيش وقت قدام القروض ومستلزمات القرض في موضوع أكيد نجاحه.. مشروع الصودا آش ناجح لأنك تستورد بـ 300 مليون دولار.. لما توفر المبلغ ده لصالح الاقتصاد القومي".

وأضاف الرئيس السيسي، خلال كلمته في افتتاح مشروعات جديدة في مجمع الصناعات الكيماوية بمحافظة الجيزة، قائلاً :"ما قدرشي أقول إنك ما تطلبشي دراسات جدوي.. وزارة التجارة والصناعة تقدر تقول للبنك على الأقل تقدم إخطار للبنك أنه نستورد منه كام طن بقيمة كده.. والمصنع ده لما يتعمل هيشيل 50 % من المطلوب أو الكمية كلها".

وتابع الرئيس السيسي قائلاً :"فيه موضوعات ما قدرشي استحمل سنة واثنين وثلاثة.. ونتعاقد مع الشركات والوقت له تمن.. تتقدر تتعاقد أول السنة 2023 والافتتاح في 2024 والصودا اش.. ده بيكلفنا 300 مليون دولار.. لكل الناس بتكلم دايما وما خبيتش عنكم حاجة.. وفيه كلام والله المفروض طبقا للمعايير السياسة والكلام ده تطرح للهواء.. في إطار مخاطبة الرأي العام والحقائق".

أرباح قناة السويس 

وأضاف الرئيس عبد الفتاح السيسي، عن أرباح قناة السويس منذ عام 1975 بلغت نحو 220 مليار دولار، معقبا: "بتكلم عن الافتتاح الجديد سنة 75 قناة السويس جابت 220 مليار دولار، لو حد كان شال 10 % من الرقم ه وحطه في صندوق، كان زمان النهاردة بنتكلم معايا 50 مليار دولار.. لكن يدخل يعمل تطوير في القناة ما عملوش.. يدخل مع حد مشروعات ما عملوش..عاوز يعمل خدمة مجتمعية متقدمة لمدن القناة ما فيش.. قلتله لا ما ينفعش الكلام ده".

وأشار  الرئيس السيسي، خلال افتتاح مصنعى إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة، قائلاً :"جه الدكتور معيط والدكتور مصطفى .. لا يا أفندم والنبى إرحمنا والفلوس اللى هتخصمها علشان الصندوق مش هنقدر، قلتله يا دكتور مصطفى افتكر لما جت أنت والمهندس شريف الفلوس بتاعتك ما تتحولش وقلت خليها عندك في وعاء، وكنت متحمس للفكرة، وجه المهندس شريف ووزير المالية قلتلهم اسمعوا كلامي وهتشوفوا، دلوقتي وزارة الإسكان بقت بتشتغل بـ 8 مليارات جنيه في الشهر.. وزارة الإسكان وهيئة المجتمعات بتشتغل بـ 8 مليارات جنيه في الشهر، بلد عايزة مليون وحدة سكنية في السنة يبقا الوزارة دي تعملها 400 ألف والقطاع الخاص يعمل شوية كمان معاه علشان ميبقاش اللى إحنا شايفينه في العشوائيات".

وتابع الرئيس السيسي، قائلاً :" أمال الصندوق دخل البرلمان ليه؟.. علشان يديله حصانة برلمانية ما حدش يقدر ياخد منه ولا يتصرف فيه طبقا للمعايير اللى تم التصديق عليه بيها والقواعد اللى اتحطت وأجهزة الدولة الرقابية تفتش عليه وجهة سيادية مسؤولة عليه برضه وكل حاجة".