«بحبك أد أبوجبل والونش».. هدية نشوى مصطفى في الفلانتين
كتب: محمود جودة
كشفت الفنانة نشوى مصطفى عن أول لقاء لها مع زوجها، بعد مرور 30 سنة على تعارفهما، والذي وافق 14 فبراير، الذي يتم فيه الاحتفال بالفلانتين.
ونشرت "نشوى" عبر صفحتها على فيس بوك: "زي النهاردة من ٣٠ سنة كانت خطوبتنا .. كنا عارفين بعض قبلها بيومين .. اتجوزنا صالونات .. أول مرة شفنا بعض قلت له أنا مش حابة اتجوز بالطريقة دى وأهلى غاصبين عليا أشوفك.. قالى وأنا كمان أمى هى اللي مرشحاكى ليا وأنا مش حاتجوز مصرية (كان عايش فى أمريكا).
وتابعت: "المهم قلت له عداك العيب يبقى تقول لوالدتك أنى معجبتكش وأنا حاقول لأهلى أنى استرخمتك".
وتابعت: "المهم قلت له عداك العيب يبقى تقول لوالدتك أنى معجبتكش وأنا حاقول لأهلى أنى استرخمتك".
واختتمت "مصطفي" قائلة: "تانى يوم كلمنى وقال لى نشوى أنا غيرت رأيى وقررت اتجوز مصرية واعملى حسابك بكرة جاي أخطبك .. النهاردة عيد الحب ومكنش فاكر طبعا تاريخ خطوبتنا .. فبفكره .. رد وقال لى يااااااااه معقولة ٣٠ سنة مستحمل وصامد .. قلت له يا عم فى المناسبات دي الراجل بيقول لمراته بحبك .. رد بشكل تلغرافى وقال: بحبك قلت له بتحبنى اد أيه قال لى بحبك اد ما بحب الونش وأبو جبل وأبو أدم وأوباما".
